Escola de Fútbol Lalín

a WEB da EF LALÍN

2009-11-28T12:08:00.003+02:00

Este blog xa non dará máis información.
Consulta todo en

WWW.EFLALIN.COM

bicos.

Na despedida, WEB MUNDIAL

2009-11-26T21:00:00.012+02:00

Chega o triste intre de dicir adeus a este blog (que sempre poderá consultarse, pois xa forma parte da historia da EFL),
chega o feliz momento de dar a benvida á nova páxina web (moito mellor e máis completa, xa veredes, pois ten historia, fotos a encher, documentos, etc.).

E cal é o seu enderezo?

Ímolo poñer moi doadopero ata o venres 27 ás 21.30,

na Asemblea, non se dará a coñecer,

pois é unha auténtica primicia mundial.

Empeza así (por iso das adiviñas):

WWW.eflalin.com

E que dicir na despedida do blog?

Simplemente
MOITAS GRAZAS por todo, amigos!!!!!!

Nestes 16 meses de vida o blog da EFL tivo máis de 70.000 visitas, cifra que non precisa de máis comentarios.

E que fotos podiamos poñer?

Desde logo as que falan de deporte e amizade (por riba de rivalidades, de frío, de tamaños de roupa, de palabras feridoras...). Esta, por exemplo:

Só nos queda proclamar que, coa axuda de todos,

Seguiremos EDUCANDO

a PERSOAS e DEPORTISTAS

FIN DE SEMANA

2009-11-26T20:28:00.006+02:00

Sábado 28 e domingo 29 de Novembro
fútbol 11
LIGA GALEGA INFANTIL:
BERGANTIÑOS CF-EF Lalín A: (domingo, 12,00)
2ªAUTONÓMICA INFANTIL, grupo 6º:
EF Lalín B-TORDOIA CF: (sábado, 10.30)
LIGA GALEGA CADETE:
RACING FERROL-EF Lalín:(sábado,16, 15,Gándara 2)
1ª AUTONÓMICA XUVENIL, grupo 7º:
EF Lalín-SR CALO"B": (sábado, 18.00)
fútbol 7
ALEVÍNS:
Sp Estrada A -EF Lalín A: (Domingo, 11.30 en Figueroa)
EF Lalín C - EF Lalín B: (Domingo 12.15 no M. Anxo Cortizo)
BENXAMÍNS:
EF Lalín A - SILLEDA A: (sábado, 12:15)
EF Lalín B: (descansa)
TOURO - EF Lalín C: (sábado 17:30, Loxo)
PreBenxamíns:
Partido adestramento (Domingo 10:30)

o venres: ASEMBLEA de SOCIOS/AS

2009-11-25T18:28:00.003+02:00

Este venres, 27 de Novembro, está convocada a
ASEMBLEA XERAL de SOCIOS/AS, é dicir, de pais, nais ou titores dos xogadores da EF Lalín.
Será, coma sempre, no Salón de Actos do IES Laxeiro da vila
ás 21.00 horas.
A orde do día é a seguinte:
1.-Lectura e aprobación, se procede, da acta anterior.
2.-Presentación da Páxina Web da EFL.
3.-Información Deportiva: xogadores, adestradores, equipos...
4.-Información Económica (Orzamento Tempada 2009-2010)
5.-Preguntas e suxestións.
Agárdase que esteades todos e todas para dar opinións e mellorar a Escola.

O inferno nas gradas do campo

2009-11-15T20:58:00.008+02:00

Despois de 6 tempadas son continuas as queixas dos pais/nais da EFL (e dos afeccionados en xeral) cando se achegan ao Manuel Anxo Cortizo para ver un partido de fútbol no campo de herba artificial. Resulta un castigo querer presenciar un encontro cando chove (e mira ti que hai unha media de 7 entre o sábado e o domingo). Porque cando chove esa piscina é molladura segura. E non digamos se á choiva se lle engade o vento. Iso xa é un auténtico suplicio. Todos nos preguntamos se aos enxeñeiros que deseñaron os gradaríos non lles quedaría descansada a cabeza de tanto pensar como retirar á xente dos partidos ou se, pola contra, non cobraron o estipulado polo seu traballo. Porque mira ti que nin adrede se logra protexer menos gastando tanto en cemento. E o de que serven para os dous campos é outra coña, pois para ver ao CD Lalín hai gradas vellas que, polo menos, resgardan.En fin, que os seareiros de todos os clubs que utilizan o campo de herba artificial do estadio Manuel Anxo Cortizo, especialmente os da Escola de Fútbol Lalín, maioritarios, están verdadeiramente fartos de mollarse e sufrir ese inferno de auga e vento para poder gozar do seu deporte favorito e dos seus fillos, tanto en partidos como en adestramentos.

Por iso, e porque non se poden calar as constantes queixas, hai que preguntar: Para que se fan as instalacións deportivas? Non será para fardar no canto de fomentar o deporte? Quen pode aguantar un partido nesas condicións?

Na EFL cremos que, desde o Concello, xa é hora de buscar unha solución a este grave problema (xa sexa un pequeno gradarío cuberto do outro lado ou unha critaleira protectora no existente). Cando chove e fai vento, a grada non pode converterse nesa infernal piscina de cada fin de semana. Os que van ao campo (que son moitos e teñen voz) sábeno ben. As fotos son para os que nunca aparecen por alí.

BRAVOS ALEVÍNS

2009-11-10T11:52:00.008+02:00

Non hai outro calificativo para os nosos alevíns nesta dura fin de semana. Eramos poucos pois a gripe causaba estragos, pero as gañas de algúns e a axuda duns grandes benxamíns fixo posible que puideramos competir o pasado domingo. Despois de que os Cadetes tiveran que suspender o seu partido o xoves, estivemos temerosos de ter que sufrir a mesma sorte. Finalmente o equipo A viaxou a Melide con tódolos seus efectivos, incluído Santi Garrido, para derrotar ao equipo local (ata o momento invicto) cun contundente 3 a 7. O equipo B xogou na casa contra o Sp. Estrada B, ao que lle gañou con facilidade (8-1) no debú de Brais Vázquez na portería alevín e só 6 alevíns na convocatoria (eran baixa Antonio, Santi, Antonio Barros, Marcos e Xacobo). Gracias a Dani Gavieiro e a Santi Rojas puideron disputar o seu partido. E o equipo C viaxaba a xogar contra un bo Sp. Estrada C con 7 xogadores xustos (5 alevíns, Franchi e o debutante Benito do benxamín A). Perdían 4-2 despois de ir gañando 0-1 ao descanso e aguantar co empate a 2 ata os 10 últimos minutos; pero o cansancio apareceu e finalmente caeron con este dignísimo resultado. Causaron baixa neste partido Rubi, Lorenzo, Anxo Mouriño, Edgar e Anxo Reboredo. Ademáis Álex viaxaba cun talón lesionado que o obrigou a perderse o partidiño do venres.

Por todo esto, felicitar aos nosos alevíns que ademáis da calidade que teñen, demostran cada día o bravos que son. Agora somentes esperar a recuperación da plantilla e seguir facéndonos fortes.

Ánimo e a seguir esforzándose cada día!!!

7 convocados para a sub-15 de Santiago

2009-11-04T12:31:00.004+02:00

Despois da visita que o pasado domingo realizou o seleccionador da zona de Santiago ao Manuel Anxo Cortizo, no que observou as evolucións do equipo cadete de Liga Galega, saíu a convocatoria de xogadores para o primeiro adestramento. Sete son os sub-15 (é dicir, poden ser cadetes de 1º ano e infantís de 2º) que aporta a Escola de Fútbol Lalín a esa selección, todos eles seguidos desde hai varias tempadas polos técnicos federativos.
Os escollidos son os cadetes de 1º ano César, Marco, Brais, Juanillo, Dani e Edu, e o infantil de 2º Adrián (aparecen na foto acompañados de Cheroki, o porteiro cadete).

Os 7 deben estar vestidos o próximo luns, día 9 de Novembro, ás 19.30 no campo das Cancelas, en Compostela.

NORABOA a todos, e non afrouxar!!!!

Xa somos máis de 200!!!!

2009-10-28T10:36:00.008+02:00

Por se aínda quedaban algúns incrédulos que dubidaban da consolidación da Escola de Fútbol Lalín, as cifras son elocuentes: acabamos de superar os 200 anotados. Concretamente a día de hoxe están adestrando nada menos que 204 xogadores, un auténtico record.

Pero ao tempo que celebramos e agradecemos esta confianza que a sociedade lalinense e dezá deposita en nós, o que supón aínda máis traballo e dedicación, non podemos deixar de ollar o futuro e facernos preguntas que calquera que mire con seriedade para este tipo de entidades debe facerse.

Por exemplo:

-É lóxico ter a 200 rapaces e rapazas adestrando pola semana nun único campo?

-É lóxico que cada fin de semana se teñan que facer malabares e amontoar os partidos no campo de herba artificial?
-É lóxico que non se poidan incrementar os equipos da EFL (polo tanto que queden moitos rapaces sen xogar) debido á falta de instalacións?
-Pode sobrevivir economicamente a EFL coas escasas axudas que se lle concede desde os organismos oficiais?
Finalmente, mentres desde "as altas instancias" se mima a outras entidades

-Por que non se mira doutro xeito para a Escola de Fútbol Lalín?

infantil B: o debut na casa

2009-10-17T14:29:00.011+02:00

Bo partido o que ofreceu o equipo Infantil B que dirixe César Reboredo, fillo, na mañá do sábado ante os seus seareiros. Era o debut na casa e os xogadores saíron dispostos a resolver canto antes o partido contra o San Mamede. E así, nun espectacular primeiro tempo no que meteron tres goles, pero mereceron moitos máis, deixaron todo sentenciado. Na segunda, entre cambios e certo cansazo, non houbo goles, pero si gañas de agradar polas dúas partes. En pé: César (adestrador), Gonzalo, Alex, Edu, Leo, Caxide, Xabi, Alberto, Martín e Ionatan. Anicados: Iago, Juanjo, Rubén, Marcos, Brais, Serxio e Marco.

Noraboa e a seguir así.

Segundo gol: duro disparo de Leo e Alberto atento ao rexeite.

Saudando desde o círculo central.

Ninguén se encolle no xogo aéreo. Os seareiros, atentos a todo.

Rubén, cun magnífico partido, desbordando pola súa banda.

Edu e Adrián convocados coa Sub-16 galega

2009-10-14T09:37:00.005+02:00

Estaba cantado porque o seleccionador xa nolo adiantara na pretempada, pero agora ven de confirmalo telefonicamente: o cadete Edu e o infantil Adrián van ser convocados a un adestramento coa selección galega sub-16 que terá lugar o mércores 21 na Coruña.

O magnífico final da tempada pasada do de Piñor, coroado co ascenso a Liga Galega Infantil, e máis a titularidade no equipo Cadete nesta, fixeron que Eduardo Fernández Díaz, EDU, fose seguido polo corpo técnico da Federación. A enorme competencia que vai ter, pois non olvidemos que a lista recolle o mellor dos equipos de Liga Galega e División de Honra, é un aliciente máis para valorar esta merecida convocatoria.

Pola súa banda, a chamada do infantil Adrián Iglesias Moure, o "Matador" da EFL, prexudicado pola desaparición da sub-14 galega, onde tería posto seguro, non deixa de ser sorprendente e indicativa do potencial do noso dianteiro, pois vai competir cos mellores xogadores cadetes de 2º ano. Lembremos que se trata doutros dos artífices do ascenso a Liga Galega infantil, categoría na que xa leva 15 goles en só cinco partidos e que, como é sabido, está no punto de mira de olladores de grandes equipos.

Parabéns, pois, para Edu e Adrián, e ledicia na EFL por esta noticia que refrenda o traballo da entidade dezá.

NON TODO VAI SER FÚTBOL

2009-10-02T12:26:00.003+02:00

Pois así o vemos desde a EF Lalín e por eso o pasado fin de semana animamos aos nosos deportistas (gracias especialmente ó labor feita por Sueiro) a participar na IX de Carreira Virxe das Dores - Memorial Vicente Agulló. Aquí vos deixamos un link para ver as fotos nas que salen moitos dos nosos xogadores de fútbol -7. Noraboa a tódolos participantes.

http://picasaweb.google.com/fernando.quian

Chapeau para Alberto "CURRÁS"

2009-09-20T16:35:00.004+02:00

Esta entrada vai dedicada, en exclusiva, a Alberto González, alias CURRÁS, ou "CURRI" para os da Escola de Fútbol Lalín. Porque a merece.

Se hai un bo compañeiro, un personaxe que se leva ben con todos, que a pesar de non xogar tanto como el desexaría nunca pon mala cara, ao que todos queremos e respetamos, ese é Currás. Porque é deses rapaces que, ademais, fai equipo. Está cando se precisa, cando as pintan máis negras, cando todo parece torto.

Pasou este domingo. Non había porteiro na Liga Galega Cadete, nada menos!!! Tranquilos, que está Currás. E todo o equipo e o público estivo con el, para apoialo.

O seu labor podía ser mellor ou peor (digamos para a crónica deportiva que estivo perfecto, e só lle puideron meter un gol de penalti), pero iso quizais é o de menos. O de máis é o feito de enfundar as luvas, de recibir o brazalete de capitán, de estar presente cando e onde o equipo o necesitaba. O de máis é resucitar eses valores deportivos que ninguén pode esquecer. O do compañeirismo. O de ser un exemplo e pensar no equipo antes ca nun mesmo.

Para el foron as mellores ovacións da mañá no Manuel Anxo Cortizo e supoñemos que el mesmo sentiu esa elevada consideración que se lle ten cando os da grada o despedimos postos en pé. O aplauso era para todo o equipo, si, pero especialmente para Currás. Porque, realmente, foi a verdadeira estrela e demostrou algo máis que o feito de saber parar un balón.

Así pois, Chapeau para CURRI!!!!!

Excelentes Xuvenís e Cadetes

2009-09-20T14:33:00.009+02:00

Viñeron as festas e todo parecían problemas, especialmente cos porteiros. Pero as tres victorias dos tres equipos equipos da EF Lalín, dúas en Liga Galega, os 13 goles a favor e cinco en contra e, sobre todo, o magnífico xogo combinativo que amosaron xuvenís, cadetes e infantís, fai que como escola de formación vexamos o futuro máis esperanzados ca nunca.

O sábado pola tarde os xuvenís de Toño, con Diego por fin na portería, resolvían a papeleta do Dubra cun claro 3-1 e colocábanse en posición para aspirar a moito nesta Liga. O equipo segue a trasmitir as boas sensacións de toda a pretempada: hai potencial e xoga ao fútbol, como quere o adestrador, e iso agradéceno os seareiros, polo que, cando menos no noso campo, viviremos magníficos partidos. A pesar diso, non convén confiarse, porque isto acaba de empezar.

De pé: Diego, Mouriño, Manuel, Brei, Diogo, Pacheco, Marcos, Alvarellos, Currás, Javi e Toño (adestrador). Anicados: Reboredo (delegado), Novoa, Roi, Pablo, Dani e Xosé Manuel.

E o domingo pola mañá chegaba o turno dos cadetes de Willi, quen, nunha atinada decisión, convocou a todos os seus efectivos (hai que estar co equipo aínda que sexan festas, e tampouco se trataba de beneficiar a uns e prexudicar a outros). Pero quen dixo sen porteiro? Nin Cheroki, nin Alex, nin Kevin, tiña que ser Currás o que puxese as cousas no seu sitio e o equipo, fortalecido con Adrián arriba, dese un recital de fútbol combinativo nunha 1ª parte impecábel na que un recén descendido como é o Xuventú de Aguiño nin a cheirou, pois non foi capaz de crear nin unha soa ocasión de gol. O 3-0 ao descanso resume o alto nivel que hoxe amosaron os de Willi nese tempo. Xa no segundo (festas?, relaxación?, asegurar o resultado?...) o xogo baixou e, xunto cos malos modos dos visitantes, perdeuse algo do espectáculo. Así a todo, o 4-1 final fixo xustiza aos méritos feitos.

Este resultado tamén debe servir de terapia. Primeiro para demostrar que neste equipo ninguén se pode durmir: polo visto ata agora pode xogar titular calquera e o adestrador dá oportunidade a todos. Cando veña, que virá, convén collela e non soltala. Segundo para esquecer a derrota co Orillamar. Foi un toque de atención a estrepitosa derrota. Abriunos os ollos. E terceiro para que os xogadores saiban que se actúan como equipo e olvidan egos que non proceden (de nada serve remoer por detrás, hai que gañarse o posto demostrándolle o ao adestrador que estás implicado e queres) poden facer cousas moi boas nesta liga, pois a ninguén se lle escapa o potencial desta xeración. Se cadra faltaba ser conscientes de que é Liga Galega, unha competición forte, e que son vintedous (polo de agora) pelexando entre si por 11 postos iniciais, pois non temos 2º equipo. E é o que hai. E convén decatarse canto antes.

Liga Galega Infantil: 6 de 6 !!!!

2009-09-19T15:49:00.004+02:00

Por experiencia sabiamos das dificultades da Liga Galega Infantil. Por iso se confeccionou un plantel con xogadores destacados da comarca e un adestrador consciente e coñecedor do traballo da Escola. Así a todo nada estaba garantizado. Nada. Pero os seis puntos de seis, e seguir no cumio da clasificación, non está ao alcance do todos os equipos.

Por iso podemos cualificar este inicio de Liga do Infantil A de ESPECTACULAR.

Hoxe, xa aos 10 minutos da segunda parte, nunha auténtica demostración de poderío, tiñan sometido ao URAL cun 6-0 que espantaba calquera dúbida, pois todo o equipo brillou en labores ofensivas, especialmente o "Matador" con outros tres goles e dúas asistencias.

Logo, os cambios, permitiron unha achega dos da Coruña e un certo sufrimento que tamén hai que pasar para espantar esa "Adriándependencia" que aínda se nota. Sobresaliente para todos, incluído un adestrador que deu cabida a todos os seus elementos, eses que fixeron disfrutar aos siareiros con goles e espectáculo.

NORABOA E A NON DURMIRSE nos LAUREIS

En pé:Rafa (adestrador), Guille, Adrián, Brais, Jorge Vilas, Marcos Moto, Rubén, Xosé Ramón, Manu e Sergi. Abaixo: Leo, Xabi Pulga, Marcos Areán, Dani Jacobo, Rodrigo, Dani Gómez e Martín.

A MALDICIÓN DOS PORTEIROS

2009-09-17T09:38:00.009+02:00

Parece que os porteiros da Escola de Fútbol nas categorías CADETE e XUVENIL están a padecer unha insólita maldición. Ou será que a sorte lles dá as costas a estes especialistas no inicio das ligas. Explicámonos.

DIEGO, o único porteiro xuvenil, leva máis dun mes lesionado e na pretempada o seu lugar foi ocupado polo cadete CHEROKI, que alternaba portería co seu equipo de Liga Galega. Espléndidas actuacións tivo cos dous equipos. ALEX REBOREDO, pola súa banda, deuse á boa vida e estivo de vacacións todo o mes de Agosto, polo que nin trouxo a documentación para tramitarlle a ficha. Mentres tanto KEVIN, cadete de 1º ano, xogaba cos seus correspondentes compañeiros os amigábeis, estando a moi bo nivel.

E chegou a Liga. CHERO foi cos xuvenís de Toño o sábado a Oroso e lesionouse de gravidade. Será baixa para certo tempo. Polo tanto non puido ir cos cadetes e en Orillamar xogou KEVIN , como é lóxico. Nesta semana DIEGO empeza a adestrar (por fin) e apúrase a ALEX para que traia a documentación canto antes. Pero sorpresa: un accidente laboral na casa fai que este cadete case non poida apoiar o pé, polo que non pode adestrar nin xogar. En fin, que non ben saimos dunha para caer na outra. E non queda aí a cousa, onte enterámonos, como o porteiro non veu adestrar, de que morreu o avó de KEVIN (desde a EFL acompañamos no sentimento á familia). Será que a maldición non deixa respirar aos porteiros da EFL.

A día de hoxe os adestradores fan números: Con CHERO e ALEX lesionados, veremos que é de DIEGO e KEVIN.

A ver se coas festas a maldición marcha para outro lado.

A EFL, a tope!!!

2009-09-10T15:11:00.009+02:00

Cando acabamos de empezar a 7ª tempada deste ambicioso proxecto deportivo e social chamado Escola de Fútbol Lalín, cando parecía que xa non tiñamos máis para onde ir en número de xogadores, de equipos, de adestradores... Cando se renova unha Directiva case na súa totalidade, cando se modifican os cadros de adestradores, cando se impón unha crise que afecta a todos, desde as empresas ás familias dos xogadores... Cando apenas hai espazo para adestrar nun campo de herba artificial que se quedou pequeno para Lalín desde hai anos, cando as autoridades e os medios de comunicación parecen ternos un tanto esquecidos e desde a Delegación axudan o xusto... Cando acontece isto e moito máis...

Resulta que... na EFL estamos a tope.

Estamos a tope porque seguen chegando xogadores para formar parte desta grande familia, tantos que nas categorías Infantil e Benxamín, de seguir así, imos ter que vernos obrigados a limitar as prazas e non admitir a máis. Estamos a tope porque nesta tempada teremos aínda máis equipos que na anterior (e se houbese campos fariamos moitos máis). Estamos a tope porque a nova Directiva estase a mover con intensidade e fervor entre as empresas da comarca e todo é apoio e colaboración (o que agradecemos desde aquí neste tempo de crise, pois ter unha entidade saneada economicamente importa agora e no futuro). Estamos a tope porque cada día hai máis traballo e máis ilusión nesta Escola que, desde o principio, sempre quixo ser exemplo de seriedade e dedicación para tantos deportistas como nos visitan.

Sabemos que somos a entidade deportiva que move máis cantidade de xogadores da base na comarca do Deza (xa andamos polos 190 xogadores, nada menos!!!) e a que presenta un cadro formativo de adestradores e coordinadores de elevado nivel e moita implicación. Porque o sabemos e porque son os pais e nais da EFL os que seguen a apostar por nós confiándonos o seu ben máis prezado: os propios fillos, agora mesmo podemos manifestar que estamos A PLENO RENDEMENTO (todas as categorías están xa adestrando)e desde a nova Directiva só queremos dicir unha única e simple palabra:

GRACIÑAS.

COMEZA A LIGA!!!!!!!!

2009-09-10T14:47:00.005+02:00

Por fin, despois dunha intensa e calorosa pretempada, esta fin de semana empezan 3 Ligas de fútbol 7.
Estes son os partidos de competición:

LIGA GALEGA INFANTIL, grupo 1:

La Salle - EFLalín A: (sábado 12, ás 11.15, en Santa Isabel, Santiago)

1ª AUTONÓMICA XUVENIL, grupo 7:

Xuventude Oroso - EF Lalín: (sábado, ás 17.00, en Sigueiro)

LIGA GALEGA CADETE, Grupo 1:

Orillamar SD- EF Lalín: (domingo 13, ás 12.00, A Grela 2, A Coruña)

e chegou a marabunta

2009-09-03T21:27:00.003+02:00

Por fin comenzaron os máis pequenos da Escola. Como podemos ver son moitos, 64 en concreto, e máis que virán para disfrutar do nosos deporte favorito. Quedádevos coas caras que de aquí sairán as estrelas do futuro.

Na foto podedes ver as gañas e espíritu de loita coas que veñen estes rapaces e rapazas (Andrea e Pilar).

caras novas na EFL

2009-09-01T22:08:00.010+02:00

Aquí podemos ver as tres útimas incorporacións da Escola.

Xabi López

Totti

Xosé Manuel Cangado.

Xabi López, xogador de C.D. Lalín, que se encargará dun dos equipos benxamíns, Xosé Manuel Cangado que dobrará esforzos e levará un equipo alevín e o equipo prebenxamín de nova constitución e Totti que adestrará a unha das escadras alevíns son as novas fichaxes da EFL para o adestramento dos máis cativos.

Do seu curriculum citar que Xabi López e Totti teñen o título de adestrador nivel 1 e Cangado é licenciado en Educación Física e diplomado en Maxisterio, especialidade en Educación Física.

Os tres empezan con gañas e ilusión a súa nova andadura na Escola. Agora é papel de todos e todas integralos e facer a súa estadía o máis cómoda posible.

Ánimo, que todos estamos esperando aprender de vós.

Fotos de equipo

2009-08-27T14:03:00.006+02:00

Estas son as primeiras fotos de equipo da PRETEMPADA 2009-10. Tiradas o mércores 26 de agosto no dobre enfrontamento coa SD Chantada:
XUVENIL 1ª autonómica: Diego, Currás, Adrián, Manuel (perdón por non poñerte onte, graciñas por avisar), Diogo, Mouriño, Alvarellos, Pacheco, Xosé Manuel, Marcos, Javi e Toño (adestrador); Brei, Pablo, Dani, Roi, Adrián, Novoa e Óscar.

CADETE Liga Galega: Willi (adestrador), Reci, Pájaro, Iván, Luís, Novegil, Miguel, Boyan e Mario; Guille (o fillo do adestrador), Rubén, Dani, Adrián, César, Marco, Juanillo, Edu, Adrián e Brais.

NOVAS DO FÚTBOL 7

2009-08-26T12:09:00.001+02:00

Atención rapaces. Acabouse o descanso.

Xa temos os horarios de comezo dos adestramentos nas categorías de fútbol 7 da nosa Escola.

Alevíns: martes 1 de setembro ás 16.30 no campo de fútbol para empezar o adestramento as 17.00. Lémbradevos de traer unha botella co voso nome para poder beber.

Benxamíns: xoves 3 de setembro, ás 17.00-17.15 para comezar ás 17.30 o adestramento.

Ánimo e a traballar, que hai que seguir aprendendo

horarios de adestramento para a tempada

2009-08-25T12:08:00.003+02:00

Para poder ir planificando outras actividades, estes son os

HORARIOS DE ADESTRAMENTOS
na TEMPADA 2009-10

no fútbol 11 (rexerán a partir do 1 de Setembro)

CATEGORÍA INFANTIL:
Luns: de 18.15 a 20.00
Martes: de 19.00 a 20.45
Xoves de 19.15 a 21.00
adestrador INFANTIL A: Rafa Dacosta (986 58 11 32 e 680 173 005),
adestrador INFANTIL B: César Reboredo (986 78 18 83 e 657 856 243);
CATEGORÍA CADETE:
Martes: de 18.00 a 19.45
Xoves: de 17.45 a 19.30
Venres: de 18.15 a 20.00
adestrador: Willi Alonso (986 58 08 54 e 627 566 644)

CATEGORÍA XUVENIL:
Luns: de 20.00 a 21.30
Mércores: de 19.00 a 21.00
Venres: de 17.00 a 19.00
adestrador Toño García (649 727 959)

(Recordade que é hora de incio e finalización da sesión, despois queda a ducha)

AMIGABLES fútbol 11

2009-08-20T09:43:00.011+02:00

Estes son as datas e horarios dalgúns partidos de pretempada:

XOVES 20:

17.30: Infantil EFL A-PONTE OURENSE: 2-2 (Adrián 2)

SÁBADO 22:

12.00: Cadete EFL-CONXO A: 0-2

17.30: Infantil EFL A-CONXO A: 2-2 (Rubén e Adrián)

19.00: Infantil EFL B-CRUCES: 1-2 (Marcos Glez.)

MARTES 25:

18.30: Cadete EFL-PONTE OURENSE: 0-2

MÉRCORES 26:

17.00: Cadete EFL-CHANTADA: 3-0

18.30: Xuvenil EFL-CHANTADA B: 7-0

XOVES 27:

18.30: Xuvenil EFL-CONXO: 1-0 (Brei)

SÁBADO 29:

10.30: CHANTADA-Infantil EFL A: 0-9 ??

10.30: Infantil EFL B-BARBADÁS B: 1-3 (Javi Cacheda)

12.00: Xuvenil EFL-BARBADÁS: 1-0 (Manuel)

17.00: Cadete EFL-CD LUGO: 0-0

LUNS 31:

19.30: MONTERROSO - Xuvenil EFL (suspendido)

MERCORES 2 SETEMBRO:

17.00: CHANTADA-Cadete EFL

18.30: CHANTADA-Xuvenil EFL

SÁBADO 5:

10.30:PAVILLÓN A-Cadete EFL : 1-1 (Recimil)

11.00: SILLEDA-Infantil B: 5-2 (Marcos Glez., Javi Cacheda)

12.00: PAVILLÓN A-Infantil EFL A: 2-1 (Adrián)

MARTES 8:

18.30: Cadete EFL-MONTERROSO

INICIO DOS ADESTRAMENTOS EN FÚTBOL 7

2009-08-20T09:06:00.002+02:00

ALEVÍNS: Martes 1 setembro
BENXAMÍNS: Xoves 3 setembro

A próxima semana informarémosvos dos horarios de adestramentos, así como do equipo técnico da EF Lalín nas categorías de fútbol-7.

¡Xa queda menos!

NON ao 2º equipo Cadete

2009-08-19T08:19:00.005+02:00

A Delegación de Fútbol de Santiago, na súa reunión do martes 18 cos clubs para fixar datas de inicio das ligas e horarios do fútbol 11, rexeitou a petición da Escola de Fútbol Lalín para inscribir un 2º equipo de cadetes.

Aínda que se retiraron 4 equipos e un dos grupos quedou constituído por soamente 8 equipos(o outro por 12), por moito que outros anos se tivesen admitido equipos fóra de prazo e, incluso, o Sporting Estrada pediu estar no grupo 7º coa EFL, o Delegado, escaldado polas últimas denuncias e fallos na contra do Comité de Disciplina Deportiva (que mesmo provoca que haxa que xogar unha fase para ver quen ascende ao grupo 7ª de 1ª xuvenil, no que está a EFL), optou por obrar estritamente dentro da legalidade evitando cambios de grupo e non admitindo novas incorporacións. Isto no fútbol 11.

Así pois: NON HABERÁ 2º EQUIPO CADETE da EFL na tempada 2009-10.

Mala noticia para os xogadores cos que se falou e que manifestaron a súa disposición a inscribirse na EFL se había 2º equipo, Michi, Faílde, Roni, Camilo, Novegil ou Jorge Meixide. Tamén para o excedente de infantís que poderían ir convocados na categoría superior.

EQUIPO XUVENIL (1ª autonómica, grupo 7º):
Data de inicio da Liga: sábado 12 de setembro.
1º partido de Liga: XUVENTUDE DE OROSO - EF LALÍN

O sorprendente é que, debido ás denuncias e resolucións dos Comités Deportivos, aínda está por constituír o grupo, pois Atl. Ribeira e Puebla xogarán antes desa data de inicio unha fase de ascenso. Ademais, retirouse o Atl. Melide da competición (Calo B no seu lugar).

Pretempada fútbol 11

2009-08-14T13:53:00.008+02:00

Segue adiante a pretempada 2009-10 de fútbol 11.

IMPORTANTE:

Certificados Médicos: como sabedes, a Delegación habilitou un médico de Santiago para extender eses certificados. Pero soamente para aqueles aos que os seus médicos se negaron a facérllelos. Se estás nese caso: avisa á coordinación deportiva (tfno.: 629 80 56 08 ou 986 78 43 40) antes das 12 da mañá do luns 17.

Documentación: Pola problemática dos certificados o prazo para traer a documentación alongase ata o xoves 20 de Agosto. Pero OLLO: Quen non traia todo antes desa data inicialmente non terá ficha nin seguro, polo tanto non poderá xogar nin os amigábeis.

As novidades por categoría son:

EQUIPO XUVENIL:

-Toño segue traballando duro co grupo.

-Bo ambiente e nutrida asistencia.

-Faltan por incorporar Xosé Manuel, Mouriño, Xoan e Brei (de vacacións, aínda).

-O martes 18 saberase con certeza o día de inicio da Liga e o noso primeiro rival.

EQUIPO CADETE:

-Ata o martes 18 non haberá solución a o 2º equipo solicitado. De concedelo, a EFL agarda seriedade e compromiso dos xogadores implicados.

-Chama á atención o baixo nivel de asistencia aos adestramentos (onte, 14 de 23 anotados). Que pasa, cadetes? Trátase da Liga Galega, hai que facer un esforzo por parte de todos.

-Lucas é baixa: regresa coa súa familia a Brasil.

-Os que van ao campamento: deixar entregada a documentación.

EQUIPOS INFANTÍS:

-Primeiros amigábeis hoxe venres, con todos convocados:

Infantil A (Rafa): ás 18.00 en Barbadás contra o titular de Liga Galega.

Infantil B (César): ás 16.30 en Lalín contra o Chantada Infantil.

-Notable asistencia aos adestramentos.

-Bo ambiente. Calor inhumano ás 17.00.

Brais, un dos reforzos da EFL para o equipo Infantil, incorporouse esta semana aos adestramentos. Procede da SD Cruces e debutará hoxe no amigábel de Liga Galega ante o Barbadás

Calendario Liga Galega

2009-08-13T09:26:00.007+02:00

Xa saíron os Calendarios das Ligas Galegas. Tantos os cadetes como os infantís xa teñen rivais para inciar as súas ligas.

Os 4 primeiros partidos son os seguintes:

LIGA GALEGA INFANTIL:

xornada 1 (12-09-2009): La Salle CF - EF Lalín

xornada 2 (19-09-2009): EF Lalín - Ural

xornada 3 (26-09-2009): EF Lalín -Galicia Caranza

xornada 4 (03-10-2009): CD Lugo - EF Lalín

Iinformación completa no seguinte enlace:

http://www.futgal.es/index.php?clase=calendario&del=1&categoria=1409&grupo=&jornada=1

LIGA GALEGA CADETE:

xornada 1 (12-09-2009): Orillamar SD - EF Lalín

xornada 2 (19-09-2009): EF Lalín - Xuventu Aguiño

xornada 3 (26-09-2009): Sp.Estrada - EF Lalín

xornada 4 (03-10-2009): EF Lalín - Portuarios

Información completa en:

http://www.futgal.es/index.php?clase=calendario&del=1&categoria=1407&grupo=26628&jornada=1

(NOTA: a foto corresponde ao adestramento do equipo xuvenil)

IMPORTANTE DECISIÓN

2009-08-08T21:54:00.005+02:00

A Directiva da Escola de Fútbol Lalín, a proposta dos membros da Coordinación Deportiva, acaba de tomar una importante decisión: solicitar da Delegación de Santiago que permita inscribir un segundo equipo cadete para a tempada 2009-10.
Aínda que a petición está fóra de prazo e supoñería un considerábel incremento nos gastos da EFL para a vindeira tempada (máis busca de recursos por parte dos xestores) e máis complicación na organización deportiva da Escola, postos en contacto co Delegado de Fútbol, seica hai alguna posibilidade de que os Clubes acepten incluír outro equipo cos grupos xa feitos.

E cales son as causas que provocaron esta decisión?

Unha soa: o exceso de xogadores e a problemática que xeraría deixar sen convocar moitos cadetes (temos 1 equipo e, polo de agora, 24 anotados) e moitos infantís, que poden botar una mao na categoría superior (temos 2 equipos, 45 anotados).

Non ir convocado significa non xogar. E que é o que quere un rapaz cando se anota nun deporte? Adestrar si, pero tamén competir nas fins de semana. Se non xoga nunca é cando se farta e acaba abandonando. De aí esta solicitude, previa consulta con varios xogadores cadetes que non se inscribiron e que, de ter un 2º equipo, tamén volverían á Escola. Ademais, mirando para as tempadas vindeiras, a necesidade dun segundo equipo en cada categoría (agás na xuvenil, na que algúns xa van para o CD Lalín) é moi importante para manter o nivel e a afección a este deporte.
En fin, polo de agora non hai nada concretado e cando teñamos resposta da Delegación, positiva ou negativa, farémola saber, pero desde logo hai que aplaudir a valente medida tomada pola Directiva, que tivo en conta o estritamente deportivo (beneficio para os nosos xogadores) e non se deixou asustar polas moitas dificultades económicas e organizativas que trae consigo o contar con outro equipo cadete.

NOTA PARA O FÚTBOL 7 (alevíns e benxamíns desexosos de dar balonazos e sanamente envexosos dos maiores): en breves días saberedes as datas de inicio dos adestramentos. Tede un chisco de paciencia, pois hai que concretar moitos asuntos. Como plan xeral: na semana de finais de agosto-principio de setembro.

Universo INFANTIL

2009-08-07T09:57:00.010+02:00

Chegou O DÍA DOS INFANTÍS e, como estaba previsto, foi unha auténtica marea deles. Estreábanse os dous adestradores, Rafa Dacosta, que regresaba á Escola, e César Reboredo, ao que tampouco se lle facía novo despois de varias pretempadas colaborando. Programaron un adestramento con balón para empezar a coñecer as calidades dos xogadores. Saíron moi satisfeitos do que captaron.
César Reboredo, atento aos seus novos pupilos.

Rafa Dacosta controlando as evolucións dos infantís.

E dos XOGADORES, que podemos dicir? Moitas ganas e varias caras novas para compor un número final de 36, aínda que os apuntados son dez máis, ou sexa, 46. Queda un duro traballo por diante e a ilusión de que se formen e compitan, ademais de facer amigos.

Estes son os que se achegaron ao campo o día da presentación:

Os de 1º ano que xa estaban na EFL : Gonzalo, Guille, Dani Gómez, Ionatan; Caxide, Xabi Rei, Martín Dabobe, Serxio; Xabi Barreiro, Xosé Ramón, Iván, Cristian; Leo, Dani Jacobo, Iago e Martín Sandá.

Os novos ou que viñeron ao final da tempada pasada: Marcos González, Juan José, Brais, Marcos Areán, Rubén García e Rubén.

Como vemos moitos Marcos e Rubén vai haber nos equipos infantís da EFL.

Os de 2º ano: Ionatan, Adrián, Marcos Galego, Xavi Cacheda, Santi, Manu, Rodrigo, Areán, Víctor, Isidro, Edu, Aitor, Jorge Vilas, Serginho e Martín.

Como vemos nas fotos puxéronlle moita ansia o primeiro día.

Querían facerse xa cun posto no equipo ou era que botaban de menos o fútbol?

E agora, OS XUVENÍS

2009-08-05T00:00:00.007+02:00

Puntuais, como estaba previsto, chegaron os xuvenís ao seu primeiro adestramento.

Con Toño estaban:

Diego, Dani, Alvarellos, Adrián, Pacheco, Pablo, Novoa, Javi, Currás, David, Diogo, Manuel, Roi, Marcos e Alló.

Se a Liga empeza o 13 de Setembro, teñen un mes para poñerse a tono.

Será esta tempada a da Fase de Ascenso xuvenil? Admítense apostas.

Os cadetes de Liga Galega

2009-08-03T22:50:00.005+02:00

Primeiro adestramento do equipo cadete de Liga Galega con Willi.

Foron 16 elementos os que, con algunhas ausencias sen xustificar, evolucionaron polo campo de herba artificial. En palabras de Sueiro, veñen en moi boas condicións.

Currás, Iago, Brais, Dani e Mario: Recimil, Cheroki, Boyan, Miguel e Rubén; Pájaro, Iván, Edu; Marco, Juanillo e Michi.

Tanto os do collage como os que non apareceron terán que poñerse en serio vindo adestrar con constancia e demostrándonos a todos que o elevado nivel que amosaron na pasada tempada, tanto en cadetes como en infantís, non foi casualidade.

Novo adestrador de porteiros

2009-08-03T22:32:00.004+02:00

A preocupación da Escola polo traballo espécífico de portería ven de moi atrás. Hai tempadas nas que non foi posíbel, pero sempre houbo intención e intentos por contar cun especialista que, ademais, fose porteiro. Se na tempada pasada tivemos a Iván Parada, nesta non nos imos quedar atrás. A noticia é que a Escola ven de contratar a Xabier López Cortina como adestrador de porteiros para a tempada 2009-10. Outro Xabier. Outro que engadir á longa lista de membros da Escola de Fútbol Lalín con ese nome. Nacido en Oural, procedente de Sarria, onde adestra na categorías inferiores de fútbol, Xabier Cortina é, ao tempo, o porteiro do 1º equipo do CD Lalín. Hoxe empezou o seu traballo cos porteiros da EFL.
Dámoslle a benvida e desexámoslle o mellor nesta tempada.

empezamos!!!!!

2009-08-02T12:10:00.004+02:00

Lembrade, esta é a semana agardada

adestramentos da ESCOLA DE FÚTBOL LALÍN

POR FIN!!!!!!

LUNS 3: cadetes

martes 4: XUVENÍS

XOVES 6: infantís

ás 17.30 por alí

ás 18.00 VESTIDOS

(con tenis, botas, se aínda che serven, e botella propia)

para cargar as baterías!!!!

a suar a camiseta!!!!!!!

César Reboredo, fillo, adestrador do Infantil B

2009-07-31T12:23:00.005+02:00

A principal incógnita que quedaba por resolver no fútbol 11 da Escola xa ten solución. Hai adestrador para o equipo infantil B de fútbol 11. Trátase de César Reboredo Valdés, fillo de César, ex-presidente, fundador e adestrador na EFL desde a súa creación. César, que xa colaborou durante varias pretempadas coa Escola (ver foto inferior, pai e fillo cunha das plantillas de xuvenís de hai anos) regresa de completar os seus estudos de fisioterapia en Valencia e representa unha valiosísima incorporación para o deporte de toda a comarca. Aínda que a Escola levaba tempo intentado contar cos seus servizos, pois todos sabemos da súa valía e da seriedade que aplica no seu traballo, nunca fora posíbel concretar esta fichaxe. Por iso estivemos agardando ata a última hora, xusto cando dan comenzo os adestramentos (lembramos, xoves 6 ás 18.00 vestidos, con tenis e botella). César Reboredo acompañará a Rafa Dacosta na categoría infantil.
Desde a EFL dámoslle a benvida e desexámoslle o mellor.

As novidades dos xogadores

2009-07-30T12:59:00.008+02:00

GUILLE (infantil): despois da súa espectacular tempada en alevíns, estabamos sorprendidos de que Guille non fixese a preinscrición na EFL para xogar en infantís. Foi un malentendido, pois si que a fixera, pero non atopamos o papel da reserva. Así, despois dunha conversa de Sueiro co pai, Guille está anotado para a tempada 2009-10 na que seguramente compatibilizará rugby e fútbol. Pedímoslle disculpas polo erro e dámoslle a benvida a un camarada que nunca nos abandonou.
DAVID "FLOR" (xuvenil): parece que David vai ter problemas para seguir xogando ao fútbol. Postos en contacto con el para convocalo á pretempada, indicounos que terá que deixalo por matricularse en "adultos", que ten un horario de clase que coincide cos adestramentos. Mala sorte para el e para a EFL. Moralexa para todos: estuda o que debes e non terás problemas para o que che gusta.

ULTIMA HORA: Toño, o adestrador, insistiu en contar con David. Púxose en contacto con el e ofreceulle, incluso, realizar adestramentos fóra do seu horario. David ten case decidido volver cos seus compañeiros. Magnífica noticia.

XOSÉ RAMÓN (xuvenil): despois do que falamos con el, o de Silleda decidiu aceptar a proposta do CD Lalín e, aínda sen recuperar de todo, empezou a adestrar con Román.

Por certo que o CD Lalín está a cumprir estritamente o acordado coa EFL: ningún dos xogadores preinscritos na EFL adestra co CD Lalín xuvenil. Xosé Ramón e Iker xa non se anotaran, aínda que figuraban na lista dos que lles interesaban, e dos outros solicitados, Xoel e Mouriño, só o primeiro aceptou a proposta. En canto aos que non se inscribiron na EFL nin figuraban nesa lista de necesarios para o CD Lalín, está claro que son libres de facer o que crean oportuno e non deberan recibir nin a primeira crítica por parte dos nosos seareiros. A EFL, por suposto, nunca poñerá ningunha pega ás súas decisións e terá para os nosos ex-xogadores a máxima consideración. A ninguén se lle oculta, ademais, que o equipo xuvenil do CD Lalín é a saída lóxica dos nosos deportistas.

Renuncia a División de Honra

2009-07-30T12:23:00.006+02:00

Esta foto é a do CD Lugo, o campión da pasada Liga Galega Cadete, grupo 1. E a que ven poñela aquí? Pois porque eles acadaron o ascenso á División de Honra Cadete e nós poderiamos estar competindo con eles na tempada 2009-10. Como? Pois porque á Escola de Fútbol Lalín ofrecéuselle na mañá deste pasado sábado o ascenso administrativo por renuncias de equipos a estar nesa liga. A chamada colleu desprevenido ao Secretario, Dani Gavieiro, que inmediatamente se puxo en contacto coa Coordinación Deportiva, cos adestradores e co Presidente para tratar de dar, en dúas horas, unha contestación.

A resposta, unha vez analizados pros e contras tivo en conta o deportivo, en función do equipo que teremos (case todos de 1º ano, pois os da foto xa son na súa maioría xuvenís), a viabilidade económica e tamén o apartado organizativo. Todos estaban de acordo en que non era o momento oportuno para dar ese salto. Somos unha Escola de Fútbol na que prima a formación e non un Club que pretende estar no cumio das divisións sen ter en conta outras consideracións.

A resposta, pois, foi NON AO ASCENSO ADMINISTRATIVO á DIVISIÓN DE HONRA CADETE. O seguinte equipo ao que se lle ofertou foi o Bergantiños. Estes, ao parecer, aceptaron.

botes e botellas contra a gripe A

2009-07-29T08:08:00.005+02:00

A Coordinación deportiva da Escola de Fútbol Lalín, ante o inicio dos adestramentos na 1ª semana de agosto e sen ánimo de crear alarma, acaba de tomar unha medida preventiva ante a GRIPE A que se fai extensiva a xogadores e adestradores:
Todos os deportistas da EFL deben vir provistos dunha botella, bote ou recipiente individualizado para hidratarse durante as sesións de adestramento.

Estes deben ser reutilizábeis, é dicir, cando se acabe o líquido poderán encherse de novo de auga da traída ou da auga embotellada que merca a EFL. Así, cada deportista terá o seu bote exclusivo e levarao e traerao da casa, sendo responsábel do seu coidado e limpeza. Pode e debería estar personalizado co nome a rotulador, ser o da súa bici ou de calquera marca que lle praza (mira os exemplos da foto). O único que se lle esixe é que se distinga do dos demais.

Finalmente lembrar que quen non o traia non poderá beber do dos outros compañeiros e sempre lle quedará unha billa que seguramente xa usaron moitas outras persoas, pois de inicio (repetimos, como sinxela medida hixiénica preventiva) a EFL non vai poñer a disposición do grupo nin as tradicionais garrafas de 5 litros nin as botellas de 1´5, e moito menos botellas pequenas de usar e tirar que estarían ciscadas a centos polo recinto deportivo.

A EFL só aportará auga para encher os botes individuais.

Por se alguén non le o blog, faille un favor, coméntallo antes de iniciar os adestramentos.

Diego, Xosé Ramón e Javi

2009-07-22T15:42:00.005+02:00

Xullo é un mes nos que toca confeccionar os planteis de fútbol 11. Logo virá construír equipos, tarefa de adestradores.

No caso XUVENIL, desde o final da tempada pasada intentamos que se consolide un grupo que recolla boa parte dos xuvenís e dos que pasan de cadetes. Despois dos acordos co CD Lalín (lista de xogadores que interesan a Román, e lista dos nosos inscritos), aínda quedan algúns xogadores cun destino indefinido (Brian, Miguel, Pato, Felipe, etc.). Engadiuse David Currás e decidiu ficar na EFL Diego Mouriño, como informamos. Agora hai que falar de tres puntais que estaban o ano pasado no equipo cadete.

DIEGO: o porteiro de Callobre (que fixera reserva de praza), aínda que tiña unha proposta do Compostela, ven de confirmar que xogará a tempada 2009-10 coa EFL. É o único porteiro xuvenil que temos e a noticia é moi importante para o equipo.

XOSÉ RAMÓN: lesionado de gravidade ao final da tempada anterior e aínda sen recuperar de todo, o de Silleda non fixo reserva de praza na EFL e figura na lista de solicitados polos xuvenís do CD Lalín. Pero ten dúbidas. Desde a Escola queremos o mellor para el (tanto polo seu valor deportivo como polo magnífico comportamento que sempre tivo), e que tome a decisión que crea conveniente. Para iso ofrecémoslle empezar a pretempada cos xuvenis da EFL e realizar un plan de recuperación específico que fortaleza o seu xeonllo. Iso sen ningún compromiso. Logo que el e a súa familia decidan o que consideren oportuno. Agardamos a súa resposta.

JAVI: desde Chapa acaba de confirmar que segue na EFL, o que representa ter unha boa colleita do anterior equipo cadete e asentar un plantel de garantías para a dura liga de 1ª autonómica xuvenil. Benvido tamén.

ULTIMÍSIMA HORA: Xabier Fdez Cabanas, máis coñecido como "Pato", xuvenil procedente dos cadetes e que fixera a reserva de praza, deixa a EFL. Por proximidade á Estrada e outras facilidades, a tempada que ven xogará no Compostela. Desde Lalín desexámoslle o mellor.

Fútbol 11: HORARIOS Inicio PRETEMPADA

2009-07-21T11:14:00.004+02:00

Xa temos os horarios para que se presente o fútbol 11.
As DATAS de inicio de PRETEMPADA eran:
CATEGORÍA CADETE: luns 3 de agosto
CATEGORÍA XUVENIL: martes 4 de agosto
CATEGORÍA INFANTIL: xoves 6 de agosto

Os HORARIOS, eses días e para cada categoría:
-ás 17.30 no campo, para aclarar vestiarios, datas de adestramentos...
-ás 18.00 vestidos de faena (preparados para adestrar).
NOTAS:

-Recordamos que para estes primeiros adestramentos é preciso traer zapatillas deportivas ("tenis") e botas de fútbol (se se quere). Nos dous casos, mellor usadas (non merquedes aínda botas), pois nas pretempadas sempre hai problemas coas vinchocas ou bochas (ademais das maniotas).

-Vir dispostos (concienciados), porque as pretempadas de fútbol 11 non son de coña.

-Ao remate dese 1º adestramento, cada xogador deberá recoller a información da súa documentación para tramitar canto antes a ficha e ter así un seguro.

Os rivais do fútbol 11

2009-07-18T12:56:00.006+02:00

Antes de nada debemos aclarar que se no blog nos estamos centrando no fútbol 11 é porque está a piques de empezar: en agosto adestramentos, plantillas de xogadores, calendario, fichas... O fútbol 7 estará un mes máis de vacación porque a súa "movida" comenza en setembro. Así pois, seguimos a informar.

Estes son os nosos competidores no fútbol 11 na tempada 2009-10, a de máis nivel nos seis anos de existencia da EFL, pois os infantís A estarán no Grupo 1º da Liga Galega Infantil, a máis alta, os cadetes competirán no grupo 1º da Liga Galega Cadete na que hai moitos equipos B (polo tanto maioritariamente de 1º ano, coma nós). Pola súa banda, os xuvenís terán unha dura proba nesa 1ª autonómica, tan competitiva, pero cos xogadores que quedan esta tempada poden facer cousas importantes. Finalmente o equipo infantil B, como canteira para o A, compite no grupo 6º da 2ª autonómica.

Primeira autonómica xuvenil, grupo 7º (Santiago)
Inicio competición: sábado 5 de setembro
1.ATL. MELIDE (D)
2.FLAVIA SD
3.DUBRA SD
4.ATL. OLEIROS
5.CACHEIRAS SD
6.CD CONXO C
7.PORTO DO SON CF
8.AD NICRARIENSE
9.PEÑA BODEGÓN ARZÚA
10.ED XUVENTUDE OROSO
11.SD CRUCES
12.EF LALÍN
13.NOIA CF (A)
14.SILLEDA CF (A)
15.ED VAL DO ULLA-RIBADULLA (A)
16.SDC RECESENDE
Promocionan a Liga Galega: 5 primeiros
Descenden: 4 últimos

Liga galega cadete, grupo I
Inicio competición: sábado 5 de setembro

1.XUVENTU AGUIÑO (D)
2.RC DEPORTIVO “B”
3.VICTORIA CF “B”
4.IMPERATOR OAR
5.ORILLAMAR SD
6.SRD PORTUARIOS
7.MONTAÑEROS CFBG “B”
8.SD CIDADE SANTIAGO
9.CD CONXO “B”
10.BERGANTIÑOS CF
11.SANTA COMBA CF
12.RC VILALBÉS
13.SDC RESIDENCIA
14.EF LALÍN
15.BETANZOS CF (A)
16.OLÍMPICO CF (A)
17.CD LUGO “B” (A)
18.SP. ESTRADA (A)
Ascenden a División de Honra: 2
Descenden: 2 últimos

Liga galega infantil, grupo I
Inicio competición: sábado 5 de setembro (aínda por confirmar)
1.RC DEPORTIVO
2.VICTORIA CF
3.XUVENTU AGUIÑO
4.GALICIA CARANZA
5.ORILLAMAR SD
6.SRD PORTUARIOS
7.MONTAÑEROS CFBG
8.LA SALLE
9.CD CONXO “B”
10.BERGANTIÑOS CF
11.URAL CF
12.SDC RESIDENCIA
13.SANTIAGO DE COMPOSTELA CF
14.CD LUGO
15.ORDES SD (A)
16.EF LALÍN (A)
17.VIVEIRO CF (A)
18.SDC MILAGROSA (A)
Descenden: 4 últimos 2ª autonómica infantil, grupo 6ª (Santiago)
Inicio competición: mediados de setembro (sen confirmar)
1.SD COMPOSTELA (D)
2.AMIO SD
3.CD SAN MAMEDE
4.SD CIDADE SANTIAGO “B”
5.SAN PEDRO FC
6.ATL MELIDE
7.TORDOIA CF
8.CD BELVÍS
9.TOURO SD
10.CD Cia de MARÍA
11.SAN MARCOS CF
12.A ESCOLAS INMACULADA
13.EF LALÍN “B”
14.P BODEGÓN ARZÚA
Ascende: 1
Promociona: 2º
(Da tempada anterior: A = ascendido, D = descendido)

Brais e Rubén: Reforzos de Cruces para a Liga Galega

2009-07-17T09:43:00.006+02:00

Sabemos que a Liga Galega Infantil vai ser esixente. Sabemos que hai que estar preparados para competir cos mellores equipos galegos e que teñen os mellores xogadores, pois trátase do máximo nivel nesta categoría en Galiza. Para iso intentamos que estean coa EFL os xogadores máis importantes da bisbarra.

Se hai uns días adiantabamos a "fichaxe" de Rubén (infantil de 1º ano), agora temos que dar a nova de Brais. O bravo xogador de Cruces acaba de tomar a decisión (xunto coa súa familia) de xogar a Liga Galega Infantil coa Escola de Fútbol Lalín. Aínda que non dispoñemos de fotos deles, dámoslles a benvida aos dous e agardamos sigan aprendendo e facendo amigos.

Aínda que a ninguén lle agrada perder xogadores, cómpre indicar a boa disposición do Cruces para que estes dous puntais do seu equipo infantil veñan xogar este importante campionato, feito que desde a EFL agradecemos.

NOTA INFORMATIVA: por un erro de comprobación das datas de nacemento colocamos a Cristian Bohórquez como infantil. Pois NON, Cristian é cadete na tempada 2009-2010.

"Históricos" coa EFL: Currás e Diego Mouriño

2009-07-16T00:18:00.012+02:00

DAVID CURRÁS na EFL

Botabamos de menos algunhas reservas de praza. As deses xogadores que sempre estiveron con nós. Pensabamos que algunha vez teñen que deixarnos, que despois de seis tempadas algúns toman as súas decisións e buscan novos vieiros. Pero non. Currás non podía deixarnos. Hoxe inscribiuse na Escola, no que sempre foi o seu equipo desde o ano 2003. Benvido de novo, chavalote!

DIEGO MOURIÑO:

NON ao CD LALÍN
Este é outro caso, pero moi significativo, porque é outro histórico que fixera reserva de praza, deses que desde a tempada 2003-2004 forman parte da nosa familia. A Noticia é: Diego Mouriño, segundo nos confirmou el e seu pai, non irá para o CD Lalín e segue outra tempada máis na EFL. Queremos facer un bo equipo xuvenil. Queremos xente comprometida. E este é un punto de inflexión para decisións que se teñen tomado sen reflexionar.

Quedan aínda algúns flecos para ofrecerlle un plantel supercompetitivo a TOÑO, o adestrador, pero outros virán e ao mellor xa non terán sitio. Polo de agora, desde a EFL, CHAPEAU para DIEGO e grazas por confiar en nós!

(as fotos da dereita son da pretempada 2003-2004, a da esquerda é de Mouriño nun partido da última tempada)

Inicio dos adestramentos F-11 e Noticias da EFL

2009-07-08T23:36:00.007+02:00

Mentres algúns negrean nas praias, mentres outros fichan polo Real Madrid, mentres uns poucos estudan para setembro; mentres outros andan na herba e mentres vai pasando o tempo...

Xa temos confirmadas as DATAS de INICIO dos ADESTRAMENTOS de FÚTBOL 11 na EFL. Para que fagades plans, digamos.

categoría cadete: LUNS 3 DE AGOSTO.

categoría xuvenil: MARTES 4 DE AGOSTO.

categoría infantil: XOVES 6 DE AGOSTO.

(para a semana confirmaremos os horarios)

NOTICIAS DA EFL:

-Rubén (de Cruces): ven para o infantil da EFL.

-Os 4 xogadores da EFL que o adestrador do equipo xuvenil do CD Lalín solicita para reforzar o seu equipo son:

Iker e Xosé Ramón (sen reserva de praza).

Xoel e Diego Mouriño (con reserva feita).

Agora xa depende deles.

O compromiso do CD Lalín é que os demais xogadores preinscritos na EFL seguirán con nós e non poden adestrar co CD Lalín.

categoría INFANTIL 2009-10

2009-07-05T11:03:00.009+02:00

Avance da categoría infantil, que competirá con dous equipos na tempada 2009-10.
Adestrador de LIGA GALEGA Infantil, grupo I: Rafa (Dacosta)
Adestrador de 2ª División Autonómica, grupo 6º da zona de Santiago de Compostela: por decidir
Xogadores:
1.-Ionatan (p)
2.-Edu Diéguez
3.-Martín
4.-Luís Manuel
5.-Marcos Galego
6.-Javi Cacheda
7.-Santi
8.-Xesús Mouriño
9.-Serginho
10.-Manu Rego
11.-Adrián
12.-Aitor
13.-Suso
14.-Jorge Vilas
15.-Rodrigo.
16.-Alex Bouzas
17.-Isidro
18.-Brais Areán (novo)
19.-Rubén Fdez. (novo)
20.-Jorge Brey
21.-Dani Areán
22.-X. Ramón (p)
23.-Martín Sandá (p)
24.-Marco A. Barcala
25.-David Domínguez
26.-Serxio Soto
27.-Xabier Barreiro
28.-Xabi Rei
29.-Ionatan Glez Pazos.
30.-Iván Calvo
31.-Leo
32.-Iago Vázquez
33.-Alberto Meixide
34.-Víctor Alves
35.-Dani Caxide
36.-Martín Dabobe
37.-Dani Jacobo
38.-Dani Gómez
39.-Cristian Simon
40.-Gonzalo
41.-Marcos Glez. García
42. Guille (p)
43.-Rubén (de Cruces, novo)
44.-Brais (de Cruces, novo)
45.-Marcos Areán (de Agolada, novo)

Rafa Dacosta volve á Escola de Fútbol Lalín para dirixir o equipo na Liga Galega Infantil. Moitos dos que figuran na lista xa estiveron ás súas ordes na tempada 2007-2008, polo que non haberá problemas de adaptación.

En canto ao adestrador do segundo equipo infantil, logo de barallar varios nomes, estamos á espera de que esas persoas concreten o seu futuro laboral na tempada que vén. Polo tanto aínda non tomamos a decisión nin adiantamos nomes. Mantemos a incógnita. Cando se resolva, comunicarémolo neste blog.

NOTA: xa sabedes, se algún xogador non figura aquí, convén poñerse en contacto cos coordinadores da EFL.

Categoría CADETE 2009-10

2009-07-03T19:12:00.010+02:00

Este é un avance da CATEGORÍA CADETE que competirá cun único equipo na Liga Galega Cadete, grupo 1
Adestrador: Willi (Alonso)
Xogadores (inscritos na EFL):
1.-Alex Reboredo(p)
2.-Adrián “Cheroki” (p)
3.-Mario
4.-Iván López
5.-Rubén
6.-Recimil
7.-Luís Mouriño
8.-Pájaro
9.-Kevin (p)
10.-Iago I
11.-Xabi Carballude
12.-Michi
13.-Alberto “Currás”
14.-Juanillo
15.-Edu
16.-César
17.-Lucas
18.-Guille
19.-Serxio
20.-Marco
21.-Dani Riádigos
22.-Brais
23.-Miguel Anxo Barcala Lorenzo (novo)
...-Diéguez (baixa por marchar de Galiza)
...-Cristian Bohórquez (baixa)
Esta tempada Willi Alonso ascende co seu equipo de final de Liga infantil á categoría Cadete.
Proximamente daremos datas e equipos cos que se compite.
NOTA: se alguén fixo a reserva de praza e non figura, que se poña en contacto cos coordinadores: Richi (benxamín), Sueiro(alevín) e Quiroga(fútbol 11).

A DIRECTIVA ao completo

2009-07-02T10:58:00.003+02:00

Por fin temos os nomes e cargos no novo Equipo Directivo da Escola de Fútbol Lalín.
Son os seguintes:
PRESIDENTE: Fco. Xavier Ferreiro Vila
VICEPRESIDENTE I: Segundo Vázquez Vázquez
VICEPRESIDENTE II: Xosé Manuel Glez. Rodríguez
TESOUREIRO: Xosé Ricardo Santorum Faílde
SECRETARIO: Xavier Gavieiro Brea
VOCAL: Carlos Jorge Taboada
VOCAL: Manuel Fdez. Romero
VOCAL: Celso Glez. Rodríguez
VOCAL: Xavier Galego Fdez.
VOCAL: David Alvarellos Glez.
Nesta época de crise precisarán a colaboración de todos. Ninguén dubida de que a van ter.
MOITA SORTE.

categoría XUVENIL 2009-10

2009-06-30T14:40:00.011+02:00

Paso a paso imos concretando a tempada 2009-10 na EFL.

Xa hai Adestrador e Xogadores con reserva de praza
na EFL para a tempada 2009-2010 na CATEGORÍA XUVENIL.
Adestrador: Toño (García Montoto).
Xogadores:
1.-Pablo Zobra

2.-Diego (porteiro de Callobre)
3.-Xoel (vai para o CD Lalín)

4.-David “Flor”
5.-Pacheco

6.-Novoa
7.-Dani Reboredo

8.-Roi
9.-Manuel

10.-Xosé Manuel
11.-Brei

12.-Adrián
13.-Diego Mouriño (queda na EF Lalín)

14.-David Alvarellos
15.-Juan Fdez.

16.-Xabier “Pato” (vai para a SD Compostela)

17.-Diogo

18.-Currás

19.-Javi

Toño abandona a categoría infantil para levar a nave xuvenil.

NOTA: se algún xogador fixo a reserva de praza e non figura aquí, poñerse inmediatamente en contacto co coordinador deportivo de fútbol 11 (Xabier Quiroga: 986784340 e 629 805 608).

XORNADA DE ARBITRAXE

2009-06-30T11:24:00.003+02:00

Non eramos moitos, pero si unha pequena parte da Escola estivo no auditorio, tentando aprender máis sobre o regulamento, sobre todo, do fora de xogo e as faltas e incorrecións. Foi unha actividade máis dentro da nosa formación coma deportistas, en xeral, e futbolistas, en particular. Ademáis puidemos fotografiarnos con Bernardino González, ao que seguramente poidamos ver no mundial de Sudáfrica 2010.

REMATAMOS COMA CAMPIONES

2009-06-28T23:49:00.005+02:00

Hoxe 28 de xuño, rematou a tempada para o derradeiro equipo da Escola: o alevín. E para elo nada máis que un partido contra o Porto de Xixón e un torneo en Ourense.

No primeiro, contra o Xixón, perdemos 4-3 (Brais 3), nun partido descafeinado, onde xogamos con 8 benxamíns. Pero foi un bo fin de festa.

E a acostumada alegría chegaba no Torneo de Ourense onde rematamos campións. Estaba claro que andabamos moi ben neste final de liga, pero ainda por riba os resultados acompañan. Neste torneo participaban 16 equipos dos grupos de Ourense máis nós. Os rivais máis fortes para o título eran os vellos coñecidos Ourense, Pabellón e Calasancio e a Ponte e o Ribeiro. No primeiro partido do grupo xogamos contra o Antela, onde, quizáis ainda durmidos (xogamos ás 9.30), empatamos 0-0. Depois 0-4 contra o Santa Teresita e a xogarnos o pase perante o Ourense. 0-2, primeiros de grupo e a cuartos contra o Barbadás. Nun partido un pouco espeso gañamos por 3 a 2. As semis contra o todopoderoso Pabellón, que nos domiñou, adiantouse no marcador, pero unha internada final de Fernando que acabou en corner, deunos a posibilidade de empatar que aproveitou Gonzalo. 1-1 e aos penaltis. Alí, a nosa experiencia e un gran Xosé Ramón fixéronos ser merecedores do paso á gran final. Nos esperaba un bo Arenteiro con Castor (aquel porteiro do vello Lalín) de entrenador. Partido algo pesado, con pouca intensidade polo cansancio e que rematou con 0-0 gracias, sobre todo, a o gran traballo defensivo de Dani Gómez e ás intervencións de Xosé Ramón. 0-0, prórroga e penaltis. Como sempre empezabamos marcando con Manu, pero o segundo mandabamolo ás nubes. Cando xa o Arenteiro se vía campión, apareceu X.R. que detivo o terceiro penalti, para empatar e o derradeiro para gañar. Dani Gómez foi o encargado de dar a puntilla. CAMPIÓNS!!!! OE OE OE.

Dous peros: Por segundo fin de semana consecutivo nos "rouban" o premio ao mellor porteiro, que xa non sabe que ten que facer para levalo. E o noso tirador de penaltis profesional Segundo que non puido traer un trofeo que nos facía moita ilusión.

NORABOA ALEVÍNS. DEIXASTES O PAVILLÓN MOI ALTO.

Coordinación Deportiva e baixas na EFL

2009-06-27T21:11:00.010+02:00

Xa que os siareiros da EFL así nolo piden, a partir de hoxe iremos publicando noticias para a vindeira tempada. Tiñamos pensado comezar coa Directiva, pero aínda estamos recopilando os datos completos de todos os seus compoñentes, así que empezaremos pola Coordinación Deportiva e as baixas dos Adestradores en fútbol 11.

COORDINACIÓN DEPORTIVA:
As 5 persoas nomeadas pola Directiva que están traballando no eido deportivo, actuando sempre de xeito conxunto, son:

Richi Vázquez (coordinador categoría benxamíns)
Xabier Sueiro (coordinador da categoría alevín)

Xabier Quiroga (coordinador das categorías do fútbol 11)
Segundo Vázquez (Vicepresidente da EFL)
Xabier Gavieiro (Secretario da EFL)

baixas nos ADESTRADORES:

Como é sabido desde hai tempo, dous dos iniciadores do proxecto da Escola de Fútbol Lalín son baixa para esta tempada.

Trátase de César Reboredo e Xabier Montoto.

Despois de 6 tempadas de dedicación exhaustiva, os dous toman un merecido descanso como adestradores e coordinadores da EFL, á que teñen entregado tanto esforzo e coñecementos. Aínda que resulte unha obviedade dicilo, a sociedade lalinense, e maiormente a deportiva, estaralles sempre agradecida polo seu enorme labor formativo e organizativo. Que esta entrada sirva de sinxelo homenaxe para dúas persoas que, malia non adestraren na tempada 2009-2010, de seguro que seguirán en contacto coa EFL e aportando ideas.

De parte das xeracións de rapaces, de pais e nais, e de compañeiros da EFL:

MOITAS GRAZAS, AMIGOS!!!!!

XORNADA DE ARBITRAXE

2009-06-23T11:45:00.003+02:00

Para tódolos membros da Escola: nenos, familias, adestradores,... o xoves 25 ás 18.30 no Auditorio Municipal, estamos invitados a unha Xornada sobre arbitraxe. Será de caracter didáctico e interactiva, onde poderemos coñecer mellor o regulamento. O organizador é o Colexio de árbitros de Lalín e entre os asistentes estará algún árbitro de primeira división.
Os que poidades, non dudedes en asistir ainda que estemos de vacacións futbolísiticas.

Aviso no San Xoan

2009-06-23T09:51:00.003+02:00

Queremos lembrar a alevíns e infantís (as categorías que aínda seguen adestrando) que este martes 23, por ser festa de San Xoán, con salto das cacharelas incluídas, NON HABERÁ ADESTRAMENTO.

Para os infantís (e alevíns que asisten): xoves 25: adestramento en horario habitual con entrega de suadoiros e chuvasqueiro. Recoméndase ser un chisco coidadoso: traelos lavados e pregados nunha bolsa co nome do xogador.

WE ARE THE CHAMPIONS (CASI)

2009-06-21T22:54:00.006+02:00

Tremendos fins de semana nos están dando os alevíns. Alegría tras alegría, sorpresa tras sorpresa, partido a partido estes chavalóns nos fan felices co seu xogo e o seu esforzo no campo. Este fin de semana xogabamos a fase final do prestixioso torneo do Polvorín. O venres e o sábado tiñamos os partidos do grupo e o domingo eran as semis e as finais. Vendo o grupo que nos tocaba (Milagrosa, Polvorín, Ponferradina, Valladolid e Atlético de Madrid) so preparamos a viaxe para venres e sábado. Dúas equipaxes, dous autobuses, cinco banderíns,... e a disfrutar do fútbol. Pero a sorpresa xa saltraba no primeiro partido. 1-1 contra o Valladolid (Erik) despois de dominar todo o encontro e mandar catro balóns aos paos. No segundo partido 2-1 contra a Milagrosa (Erik e Brais)e chegaba o coco do torneo: O Atlético de Madrid que nos gañou 7-1 (Manu) ainda que é un resultado demasiado amplo para o que aconteceu no partido. O sábado tiñamos dous partidos por diante e un ollo posto no que facía o Valladolid e así saber que había que facer para clasificarse. 6-0 ao Polvorín e, despois de facer contas, necesitabamos gañar por sete goles a Ponferradina. Con calma e confianza en nós mesmos sabiamos que todo podía chegar. 1-0 no segundo 18 e 4-0 no minuto 10. Todo de cara. 5-0 ao descanso e 6-0 no segundo 30 da segunda parte. Quedaban 16 minutos para conseguir un só gol. Pero marcaron eles e facían falta 2. O primeiro a falta de 10 minutos e o último de Dani Gómez a falta de 30 segundos, que nos deu a clasificación para as semifinais. Alegría, festa e a descansar que nos esperaba o Racing de Santander.

O domingo máis do mesmo. Gran xogo, máis esforzo, calidade defensiva e ofensiva e 2-0 ao Racing de Santander (que veremos pronto na tele en Brunete), con goles de Brais e Erik. Reseñar un golazo de Xavi Pulga que a árbitro non deu ao pensar que dera na cruceta. E chegaba a final. Música da Champions, saída ao centro co árbitro e o outro equipo, alineacións pola megafonía, todo un emocionante espectáculo. E empezaba a final contra o Atlético de Madrid. Rápidamente se poñían cun 2-0, pero a falta de 5 minutos para o descanso Martín facía o 2-1 e xa no derradeiro minuto Manu (especialista contra o Atlético) facia o empate dun zurdazo. 2-2 no tempo de lecer. Comenzaba a segunda igual que a primeira con eles golpeando 3-2, pero primeiro un punteirazo de Martín e logo un gran gol de Dani Gomez a pase de Fernando nos poñían por diante, 4-3. Pero a desgracia cegouse con nós e gol do porteiro contrario de saque. 4-4. Resultado definitivo e aos penaltis. Só despois de 6 penaltis cada equipo foron capaces de gañarnos.

Pero, ainda que choramos da rabia, non nos imos, para nada, infelices deste torneo. Dimos espectáculo futbolístico, fomos os vencedores morais e sobre todo, demos unha grande imaxe da Escola. Mostra delo é que todos os adestradores, público, organización,... viñeron a felicitarnos, non só unha vez, senón cada vez que nos cruzabamos. Os adestradores do Racing viñeron a felicitar aos nosos rapaces e o propio público do Atlético recoñeceu o noso traballo. Xente do Valladolid quería levarse algo do Lalín (un banderín, un pin, o que sexa) como recordo do que posiblemente foi o mellor equipo do torneo. E cando nos iamos a comer e atopamos aos xogadores do Val Miñor, aplaudiron con moito respeto e admiración ao noso equipo. ¡¡E que acababamos de facerlle fronte a un gran Atlético de Madrid!! Todo felicidade e emoción. Pena que estes días, coma todos, nalgún momento se teñan que rematar.

Como resumo, segundos clasificados, por diante do Racing, Valladolid, Celta,... Martín Dabobe no 7 ideal do torneo e con 3 trofeos ao mellor xogador do partido contra Milagrosa, Ponferradina e Polvorín, Sueiro cun pantalón do Atlético que lle regalaron os místeres como recoñecemento ao equipo, Erik coa camiseta do 19, máximo goleador do torneo, que o foi buscar para darlla,... e Dani Gómez coa mochila do mellor xogador do equipo dada pola afección. Sería duro esquecerse de alguén porque todos estiveron moi ben, pero nos gustaría destacar o grandísmo traballo de Xosé Ramón, Dani Jacobo, Dani Gómez e Fernando que estiveron impresionantes.

Fin de semana de Torneos

2009-06-19T23:15:00.005+02:00

Aínda que boa parte dos equipos da EFL remataron as súas competicións, o deporte continúa cos adestramentos e moitos torneos de verán.
De primeiras hai que felicitar a uns espectaculares Alevíns, clasificados este venres no Torneo do Polvorín de Lugo como segundos de grupo. Agora teñen que enfrontar un sábado complicado, pero que pode levalos ata as finais do domingo. TORNEOS INFANTÍS:
sábado 20: O Infantil A de Willy desprázase a Ourense para competir nun duro Torneo no que figuran equipos do poderío do Pavillón ou o Celta (cos que se enfrontan pola mañá). Os recén ascendidos a Liga Galega deben seguir demostrando o seu alto nivel.

domingo 21: O infantil B de Toño vai a Arzúa para disputar o 1º Torneo de fútbol 11 da Escola de Fútbol de Arzúa. Xogarán dous partidos na 1ª fase (ás 11.00 contra o Arzúa A, ás 13.20 contra o San Pedro) e pola tarde outro partido definitivo para a clasificación final. Regreso pasadas as nove.
Lembrar que para este torneo do domingo os xogadores convocados deben levar bañador e gorro, para poder usar as piscinas que hai ao lado do campo.

TORNEO DO POLVORÍN

2009-06-15T21:00:00.008+02:00

Xa temos rivais para o torneo do Polvorín a celebrar toda a fin de semana do 19 ao 21 de xuño. Estamos encadrados no grupo A xunto a Polvorín, Milagrosa, Valladolid, Ponferradina e Atlético de Madrid. Todo un luxo para os nosos alevíns, que neste ano se van enfrentar a 4 primeiras (Atlético, Depor, Valladolid e Sporting de Xixón). O peor os horarios, xa que empezamos a nosa participación o venres ás 16.20 contra o Valladolid, co correspondente problema coas clases dos nenos. Así a convocatoria se fará en función de quen ou quen non poida asistir. O segundo partido será o venres ás 19.40 contra a Milagrosa e o terceiro as 21.40 contra o Atlético de Madrid e a descansar para o día seguinte. O sábado xogaremos, despois de comer, contra o Polvorín ás 16.00 e contra a Ponferradina ás 21.20. Todo un horror de horario.

Se clasifican dous de cada grupo así que imos loitar por ser un dos equipos que xoguen as semis o domingo.

Se non tedes nada que facer a fin de semana, anímadevos e ide apoiar aos vosos alevíns.
ÁNIMO que torres máis altas xa caeron.

E xa temos aos 12 convocados para o torneo. Destacar que David, a pesar de estar citado, non poderá xogar ao atoparse enfermo, ocupando Martín a súa praza.

OLE, OLE E OLE

2009-06-14T23:30:00.005+02:00

Este sábado, tanto o equipo alevín, coma o benxamín nos desprazamos a Lugo a xogar a fase previa do torneo organizado pola scd Polvorín. O resultado para os dous equipos foi desigual. Por un lado, os benxamíns tiñan, en principio un grupo asequible, co Viveiro como rival para a clasificación. Pero estabamos equivocados e equipos descoñecidos para nós como o Lumieira ou o San Roque, resultaron ser bos equipos. Empezamos bastante nerviosos, coma sempre, e non fomos capaces de desenvolver o noso xogo. Os nervios fixeron que xogaramos fútbol directo contra equipos con maior poderío físico o que nos levou a perder os dous primeiros partidos. 0-3 co Lumieira (posiblemente foi un resultado xusto) e 1-3 co San Roque, nun partido no que acusamos falta de definición. No derradeiro partido, onde o resultado era intrascendente, fomos capaces de xogar o balón con máis calma e de dominar o partido para impoñernos por 1-0 (José Luis).

Pero as boas noticias chegaron da EFL alevín. Comenzabamos o torneo con problemas na convocatoria. Se quedaban en casa por diversos motivos Xabi Rey, Martín, Alberto e Guille, o que nos obrigaba a viaxar cun equipo con 7 xogadores de primeiro ano. Pero alí non pareciamos máis xóvenes. A garra, esforzo e calidade fixeron que a nosa idade non se notara e iamos gañando os partidos con bastante facilidade. 0-3 a Comercial (David, Dani Jacobo e Dani Gómez), 0-4 ao Burela (Dani Gómez 2, Erik 2) e a xogarnos o pase co Viveiro, campeón da súa liga. Os resultados anteriores facían posible o pase ainda perdendo por 3 goles, así que xogamos con bastante tranquilidade co balón, pero moi intensos cando non o tiñamos. 2-1 (Brais e Erik) foi o resultado final e a esperar o sorteo de semis. Non queriamos ao coco Victoria, nin ao Calasancio. Así xa celebramos o resultado do sorteo, cando nos tocou o Viveiro que pasou coma mellor segundo. Xogamos, coma todo o torneo, un fútbol de altísimo nivel, combinando, circulando o balón,... pero ao final 1-1 (Cristian). Empatáronnos faltando 2 minutos, despois de fallar múltiples ocasións, incluído un penalti. Chegaba a lotería dos penaltis, que esta vez fixeron xustiza. Manu, Xabi Pulga e Brais marcaban para os nosos, mentres Xosé Ramón paraba o segundo deles. Estabamos na final, e o que nos buscabamos, a clasificación para o seguinte fin de semana. O derradeiro partido foi outra cousa. Foi máis unha pachanga onde os dous equipos xogamos relaxados (as verdadeiras finais xa foran antes) e onde gañou o Calasancio, ainda que nós fomos mellores no que a fútbol se refiere.

En resumo, gran fútbol desplegado polos nosos alevíns, donos da posesión do balón en tódolos partidos e agora a esperar rivais entre o Racing de Santander, Salamanca, Valladolid, Benfica, Atlético de Madrid, Celta, Val Miñor, Lugo, Milagrosa, Residencia e Calasancio. Mañá xa saberemos o calendarios e poderemos informar máis deste prestixioso torneo.

Os benxamíns, en cambio, pagaron a súa inexperiencia e o nervosismo, pero de todo se aprende e hai que seguir crecendo e mellorando. É un problema que sempre temos de pequenos e hai que convencerse de que o balón hai que tratalo ben para poder gañar os partidos e non que con alonxalo da nosa portería xa está o traballo feito.

FIN DE SEMANA

2009-06-14T18:03:00.001+02:00

PARTIDOS do 13 e 14 de XUÑO

INFANTIL: E.F. LALÍN- C.D. CALASANZ : 2-1 (Adrián e Dani )

O INFANTIL DA E.F.L. NOVO EQUIPO DE LIGA GALEGA !!!!!!!

ALEVÍNS : Torneo do Polvorín Lugo (sábado todo o día)
BENXAMÍNS: Torneo do Polvorín Lugo (sábado todo o día)

TORNEO DO POLVORÍN

2009-06-10T21:28:00.002+02:00

Este sábado a EFL participará no prestixioso torneo do Polvorín. Serán o equipo alevín e o benxamín os que se acheguen a Lugo para participar nesta fase previa que da acceso á fase final que se disputará os días 19,20 e 21 de xuño.

O torneo está organizado en 3 grupos de catro en cada categoría onde so o mellor pasa as semifinais. Tamén se clasifica o mellor segundo de grupo. Os benxamíns están no grupo A, xunto a Lumieira, San Roque e Vivieiro e os alevíns no grupo C coa Comercial, Viveiro e Burela. Son grupos complicados, pero confiamos nos nosos equipos. Outros rivais importantes para acadar o pase a fase final son o Ourense, Victoria, Calasancio e Vilalbés.

Se logramos o noso obxectivo poderemos xogar contra equipos coma o Racing Sntander, Atlético de Madrid, Salamanca, Celta, Valladolid ou o Benfica de Lisboa.

Se queredes máis información podedes entrar na páxina do Polvorín: sdcpolvorin.es

BENXAMÍNS: TORNEOS DE ARZUA E COPA DO FUTURO

2009-06-10T17:19:00.002+02:00

Os benxamíns da EF Lalín acadaron o terceiro posto no torneo de fútbol-7 organizado pola ED Arzúa.

Os resultados na fase de clasificación foron:

EF LALÍN 3 - ARZÚA "B" 1

EF LALÍN 7 - DORNEDA 1

EF LALÍN 5 - ESTRADA "B" 2

Nas semifinais o noso equipo caeu dorrotado por 4-1 contra o Estrada "A". Na final de consolación acadouse a victoria por 3-1 contra o Estrada "B".

O campeón do torneo foi o Arzúa "A" que derrotou na final ao Estrada "A" por 4-2.

O equipo Prebenxamín da EF Lalín participuo este fin de semana pasado na Copa do futuro, que se celebrou en Lalín. Os resultados dos partidos foron:

EF LALÍN 1 - ESTRADA 2

EF LALÍN 7 - FORCAREI 0

EF LALÍN 1 - REDONDELA "B" 4

TORNEO DE ARZÚA

2009-06-09T21:52:00.000+02:00

O domingo os nosos alevíns desplazáronse a Arzúa para disputar o "IV Torneo EDA TGM CIDADE DE ARZÚA". O primeiro rival ó que nos enfrontamos foi o San Pedro (At Oleiros) ,un rival o que soubemos manexar de principio a fin a pesar de encaixar dous goles en sendos despistes da nosa zaga. O resultado final foi de 6-2 (3 Martín, 1 Alberto , 1 Xabi Pulga e 1 Brais). Todo presaxiaba un bo torneo para os nosos intereses e máis despois de batir por 1-0 (Brais) o Bodegón Arzúa, nun partido no que destacaron por riba de todo as dúas defensas. Pero todo cambiou ó redor das 12:40 do mediodía cando nos enfrontamos ó anfitrión do torneo o "EDA TGM ARZÚA" (1-4) A pesares de adiantarnos no marcador cun gol de estratexia de Martín, os anfitrións doblegáronnos nun partido no que amosaron máis ilusión e gañas de gañar ca nós. Con motivo desta derrota pasamos 2ºs de grupo.Pola tarde enfrontámonos ó Cruces (0-5). Según ían transcorrendo os minutos víase que os xogadores cruceños tiñan moitos ánimos de "VENDETA" despois de deixalos sen Galo Cup ante o seu público o pasado fin de semana. Hai que admitir que o Cruces comandados por un Lorenzo en plan Xavi, un Rubén en plan estrela e un Xoaquín asemellando a Koeman no gol de falta contra a Sampdoria foi xusto vencedor. A clave do partido estivo en que nos pechamos atrás nunha primeria metade desastrosa(0-4). Na segunda puxémoslle máis gañas e sacamos o orgullo para evitar despois do vistona primeira parte que o resultado non fose de escándalo.Na final de consolación enfrontámonos por segunda vez no día o anfitrión e o resultado foi 4-1.(Fernando, Brais , Xose Ramon e Dani Gómez) .Nesta ocasión os nosos si foron ese equipo ó que nos teñen acostumados, orden atrás, dominio da posesión do balón e sobre todo "xogar como un equipo" e non facer a guerra cada un pola súa conta.O final solo puidemos traer para Lalín o trofeo de 3º Clasificado. O ansiado trofeo pola deportividade non foi posible ainda que o mercemos. Para rematar, desexarlles moita sorte os nosos para o torneo de Polvorín.

2009-06-08T22:06:00.001+02:00

ASEMBLEA ORDINARIA DE SOCIOS/AS.

O DÍA 12 DE XUÑO ÁS 21,30 NO SALÓN DE ACTOS DO I.E.S. LAXEIRO CELEBRARASE UNHA ASEMBLEA ORDINARIA DE SOCIOS COA SEGUINTE ORDE DO DÍA:
1.- Lectura e aprobación, se procede, da acta anterior.
2.- Peche económico da tempada 2008-09 e estado de contas da EFL.
3.- Planificación da próxima tempada: equipos, cadro técnico, cuotas...
4.- Suxerencias e preguntas.

RESERVA DE PRAZA.
Lembrámosvos que ata o día 20 de xuño está aberto o prazo de inscrición para xogadores de 7 a 16 anos que non pertencen á EFL e queiran incorporarse a próxima tempada. Para iso deben pasar pola oficina da EFL no Manuel Anxo Cortizo de 18,00 a 20,00 h. de luns a venres.

É IMPRESCINDIBLE QUE TODOS/AS OS QUE QUEIRAN FORMAR PARTE DA EFL FAGAN A RESERVA. É posible que despois, en setembro non haxa prazas.

Os que xa pertenzan á EFL e non fixeron a RESERVA por despiste, que a fagan urxentemente, sobre todo na categoría cadete, pois é nesa categoría onde hai dúbidas entre inscribir 1 ou 2 equipos. Se inscribimos 1, só dispoñemos de 25 fichas e xa hai 22 inscritos. Se chegásemos a 28, inscribiriamos 2 equipos.

2009-06-08T12:17:00.006+02:00

FASE DE ASCENSO INFANTIL.
C.D. CALASANZ - E.F. LALÍN: 1-3

Sempre dixemos que o equipo infantil da EFL tiña calidade, gol, etc. Pero tamén sabiamos que xogara unha liga pouco competitiva e, quizais por iso, xurdían dúbidas: ¿E se na fase de ascenso nos toca un equipo con poderío físico e que saiba a que xoga, seremos quen de dobregalos? Nada mellor para saír de dúbidas ca que nos tocase un equipo así : o C.D. Calasanz da Coruña, poderoso fisicamente, con calidade e cunha afección que case encheu esta fin de semana as bancadas da Grela II e animou aos seus continuamente.

Os escasos siareiros da EFL que nos desprazamos (non eramos máis de 30) vivimos algo angustiados o comezo de partido porque nos primeiros minutos o dominio do Calasanz era total. Pero as dúbidas empezaron a despegarse cando, na primeira contra (minuto 6), Adrián controla un balón perto da área, desfaise en velocidade dos dous centrais e remata á escadra para poñer o 0-1. A partir dese momento, os nosos asentáronse no campo e, aínda que o Calasanz tiña maior posesión do balón, controlaron ben o partido e ningún equipo creaba ocasións de gol claras. Pero case a piques de irnos ao descanso, un pequeno empuxón dun dos nosos defensas na área foi sancionado polo colexiado con penalti. Kevin nada puido facer e co 1-1 chegabamos ao descanso.

No descanso, os móbiles fumegaban. Chamada de Montoto, de Quiroga, de siareiros... que querían coñecer o resultado. E entrada de Sueiro nas instalacións da Grela II. Con el chegou a tranquilidade: non pasa nada, cousas do fútbol.... dicía cando algúns dos pais lle comentaban que o contrario estaba empregándose con demasiada intensidade e o colexiado non cortaba o xogo brusco.

Mentres, Willi, no vestiario, daba as últimas consignas para a 2ª parte.Nós non sabemos cales foron esas consignas, habería que preguntarlles aos xogadores, pero foran as que foran, funcionaron.

Na segunda parte o noso equipo foi superior, baste con dicir que o Calasanz só tirou un par de veces á nosa portería e sen excesivo perigo. Pola contra, os nosos infantís, cando tiñan a pelota tentaban tocala e cando a tiña o contrario presionaban continuamente, sempre con dous ou ata tres xogadores nosos rodeando ao contrario. O esforzo que fixeron todos, o que correron, o que se sacrificaron merece todos os eloxios. E así chegou o 2-1 nun tiro cruzado de Dani. Pouco despois, nunha vaselina de Adrián a pase de Marco, é un defensor do Calasanz quen saca o balón de debaixo dos paus cando xa se coaba e, cinco minutos máis tarde nunha xogada similar, outra vez un defensor volve sacar o balón co porteiro batido. Como, pese ao noso dominio, o balón non quería entrar, xa dabamos por bo o resultado cando Brais entra na área regatea ao contrario e... cambadela. Edu transformaría o penalti no definitivo 1-3.

E aí acabou a primeira parte dunha eliminatoria que terá continuación o próximo DOMINGO no Manuel Anxo Cortizo. O resultado é bo, sen dúbida, e se antes a eliminatoria estaba ao 50%, agora está un pouco mellor para nós. Pero coidado co Calasanz, é un gran equipo e se nos fiamos pasarémolo moi mal. Así que xa sabedes, o domingo (probablemente ás 12,00 ,pero xa vos informaremos) ten que acudir todo o mundo ao Manuel Anxo Cortizo a animar aos infantís porque ESTE TEN QUE SER O ANO DO ASCENSO!

GRAZAS A TODO O EQUIPO POLO QUE NOS FIXESTES DISFRUTAR , PERO LEMBRADE QUE ISTO AÍNDA NON REMATOU. QUEDAN 80' ¡¡

2009-06-04T14:09:00.004+02:00

FASE DE ASCENSO INFANTIL.
Superada con éxito a primeira eliminatoria contra o C. Compañía de María, os nosos infantís prepáranse para a segunda eliminatoria, a que dá o pase a Liga Galega. O rival é o C.D. Calasanz da Coruña, un bo equipo, que vai esixir dos nosos infantís o máximo esforzo, pero sabemos que o darán todo e confiamos plenamente neles. ¡Ten que ser o ano do ascenso!
E a afección ten que responder e ir animalos o domingo ás 12,00 na Grela II. Para que os siareiros do noso equipo poidan desprazarse á Coruña, sairá un autobús da Praza da Mariña o mesmo domingo ás 9,15 h. retornando ao remate do partido.

Todos a animar aos infantís !

II GALO CUP

2009-05-31T23:37:00.007+02:00

Este sábado pola tarde dous equipos alevíns da Escola se desprazaron a Vila de Cruces para xogar a fase final da Galo Cup, clasificados os dous como primeiros de grupo. O equipo A xogaba os cuartos de final contra o Unión de Rianxo e despois dun inicio preocupante (0-2 en contra) conseguiron remontar e clasificarse brillantemente para as semis por 5-2.Un hat trick de Erik e moito traballo facilitaron a nosa victoria. O equipo B xogaba co vello coñecido Sp Estrada. Victoria cómoda por 3-0 e a semifinais contra o Arzúa. Nas semis a EFL B conseguiu unha nova victoria por 4-1, despois de empezar perdendo. Pero o partidazo do torneo chegou na segunda semifinal: Cruces-EFL A. 0-0 foi o resultado final do partido, pero non porque non houbera ocasións, pero unhas veces a falta de definición e outras o gran traballo de ambos porteiros, fixeron que o marcador non se estrease. A primeira parte foi totalmente do Cruces con un par de boas ocasións, pero na segunda parte o partido se igualou. Na derradeira xogada do partido, Rubén regateou a todo o noso equipo e plantouse so diante de San Guille, que abortou, no derradeiro instante o gol que lles daría o pase á final. Despois a lotería dos penaltis. Acertaron os nosos: Erik, Manu e o defnitivo Martín, e San Guille parou o segundo deles. Clasificados para a final os dous equipos da Escola. Un exitazo para os nosos alevíns. Na final, algo descafeinada polo cansancio dos xogadores do equipo A, impúxose o Equipo B por 7-1 con 5 goles de Alberto (axudado polos seus compañeiros) que lle permitiron ser o máximo goleador do torneo con 11.

Ao final trofeo de campeón, de subcampeón e máximo goleador. O premio ao equipo menos goleado foi para a SD Cruces e o de mellor xogador do torneo para Rubén, premio xusto para un gran xogador.

Señalar finalmente, que no torneo, ben organizado pola SD Cruces, puidose ver un fútbol de alto nivel, onde os nosos foron capaces de aunar calidade e traballo, para lograr a victoria.

homenaxe aos cadetes

2009-05-28T22:42:00.004+02:00

Non será necesario recordar aquí a enorme tempada realizada polo equipo cadete que dirixe Montoto. Nunha liga moi competitiva, superando numerosos atrancos en forma de lesións e baixas inesperadas que provocaron certos altibaixosos, os cadetes chegan ao derradeiro partido desta tempada aínda con algunhas posibilidades de acadar a 2ª praza, a que dá dereito ao ascenso. Está claro que despois da derrota en Conxo xa non dependen de si mesmos, que está complicado, pero seguen aí, agardando un patinazo de Comercial ou Cidade.

Pase o que pase, dease o resultado que se dea, o partido ante o Portuarios do sábado ás 17.00 debería ser unha homenaxe que os seareiros da EFL tributen a este magnífico equipo. Polo traballo ben feito, por superar as adversidades, por agasallarnos con tantos bos momentos, a esa hora hai que recibilos cun grande aplauso, para que saiban que a familia da Escola de Fútbol Lalín está con eles. Esta entrada é un anticipo, digamos unha pequena homenaxe que todos eles merecen.

TORNEO DO GALO CUP

2009-05-28T11:56:00.003+02:00

Xa temos enfrontamentos para este sábado pola tarde no torneo cruceño. O equipo A dirixido por Toño enfrontarase co campéon do grupo D, o Unión de Rianxo, que pasou de primeiro de grupo despois dun triple empate a 3 puntos co Cruces B e o San Mamede. E o Equipo B adestrado por Sueiro se terá que velas caras cun vello coñecido: Sp. Estrada que pasou de campeón na repesca de segundos. Partidos emocionantes, sobre todo polo escaso tempo que duran os partidos, nos que, se todo sae ben, poderiamos ver unha final EFL A - EFL B. É unha ilusión, pero todos sabemos da dificultade de conseguilo, xa que hai equipos poderosísimos como o Arzúa, cun dianteiro de gran tamaño e boa finalización, o Peña Bodegón Arzúa e, sobre todo, cun gran Cruces con xogadores como Rubén, Joaquín, Gonzalo,...e Cristian na portería.

Animádevos a acompañar aos vosos alevíns neste bonito torneo que se vai celebrar moi preto das nosas casas.

mister hat-trick

2009-05-26T16:15:00.003+02:00

A expresión "hat-trick" procede do deporte do críquet inglés. Cando un xogador conseguía tres puntos consecutivos regalábanlle un sombreiro ("hat" en inglés) a cargo do club. Pola súa banda "trick" é un termo que significa truco, trampa, incluso broma ou dise de algo que é de mentira. Así pois estamos ante un sombreiro de truco, ou "o truco do sombreiro" ou, como é o caso, debemos quitarnos o sombreiro ante quen segue metendo tantos goles en partidos decisivos. E sen truco. Falamos de Adrián, "o matador", que de novo incrementou a súa sona na Coruña cravándolle tres señores golazos ao Compañía de María na fase de ascenso dos infantís. Foi na segunda parte, onde todo o equipo se soltou e, unha vez liberado dos nervios lóxicos destes partidos, amosou a súa faciana máis competitiva. A EFL non os vai agasallar con sombreiros, desde logo, pero na retina quedará para sempre o bo xogo que, partido tras partido, esta xeración ofrece aos seareiros. Coa primeira eliminatoria case resolta (0-5 é un resultado moi contundente), cómpre empezar a pensar nun Calasanz que tamén quere facer historia.
SEN MEDO E SEN CONFIANZAS

GALO CUP 2009

2009-05-24T21:21:00.004+02:00

Hoxe pola mañá os alevíns da Escola nos desprazamos para participar na fase de grupos do torneo Galo Cup, ben organizado pola SD Cruces. O equipo A tiña un grupo máis ou menos asequible, con San Pedro e Cacheiras como rivais pola praza que daba acceso directo a fase final do sábado 30 de Maio. 4-2 no primeiro partido contra o Cacheiras con remontada nos derradeiros minutos e 5-5 perante o San Pedro despois de ir gañando 5-1, foron os resultados. O empate entre os dous rivais no derradeiro partido do grupo nos deu a clasificación para a fase final.
O equipo B tiña un grupo, a priori, máis complicado. Os vellos coñecidos do Silleda e o actual campeón do torneo, Villestro, eran os rivais pola única praza de acceso directo. 4-1 no partido inaugural contra o Silleda (cun gran fútbol combinativo) e 3-0 perante o Villestro nos daban a ansiada clasificación. Reseñar a loita dos nosos para favorecer o segundo posto do Silleda que lle daba posibilidades de entrar na respesca e así clasificarse para a fase final.
Agora temos dous equipos entre os mellores 8 do torneo. Pero o fin de semana que ven esperemos seguir escalando posicións na xornada final da II Galo Cup.
Ademáis de felicitar aos xogadores pola clasificación, tamén darlle a Noraboa ao pai de Cristian por gañar o sorteo do Capón.

BENXAMÍNS: SUBCAMPEÓNS NO "I MEMORIAL MILUCHO E ALFONSO" NA ESTRADA

2009-05-20T17:05:00.012+02:00

Gran xornada de fútbol-7 a que vivimos o pasado sábado 16 no campeonato organizado polo SP. Estrada. Nun día de auga e frío, a ilusión e entusiasmo dos 16 equipos participantes serviron de homenaxe aos xogadores "Milucho e Alfonso" do SP Estrada, falecidos o ano pasado en sendos accidentes de tráfico; así como unha mostra de cariño para as súas familias. Desde a EF Lalín mandámoslle todo o noso apoio.

Desde aquí tamén queremos felicitar a organización polo estupendo traballo realizado. Parabéns a toda a familia do SP Estrada.

Xa falando do campeonato, os nosos pequenos enfrentáronse na primeira fase co Silleda, o Cacheiras e o Boiro, acadando dúas victorias e unha derrota que lles permitiu pasar como 2º de grupo e enfrentarse ao Cruces nos 1/4 de final. Os marcadores nesta fase foron:

EF LALÍN 2 - SILLEDA 1

EF LALÍN 4 - CACHEIRAS 0

EF LALÍN 1 - BOIRO 4

Xa pola tarde, e despois de repoñer forzas co resto dos equipos celebráronse as eliminatorias.

Nos 1/4 de final:

EF LALÍN 7 - CRUCES 0

As semifinais foron:

SP ESTRADA 3 - BOIRO 2

EF LALÍN 1 - CALO 1 (victoria da EF LALÍN por penaltis)

A gran final

EF LALÍN 1 - SP ESTRADA 1 (Victoria do SP Estrada por penaltis)

Cadetes e Infantís: a hora da verdade

2009-05-20T12:11:00.005+02:00

Esta fin de semana tanto cadetes como infantís da EFL xóganse moito a nivel deportivo. Aínda que os dous levan unha tempada sensacional, digamos que chegou a hora da verdade na súa pelexa polo ascenso ás máximas categorías galegas.Os CADETES que dirixe MONTOTO enfrontan o seu penúltimo partido situados nunha posición de privilexio. Ocupan o 2º posto da clasificación (a última que dá dereito ao ascenso á División de Honra, pois a outra xa hai tempo que é propiedade do Lugo) e cando menos precisan facer o mesmo que o seu inicial rival, o Comercial. Pero tamén o Cidade de Santiago ou o mesmo Bergantiños terían algo que dicir se aqueles tropezan. Pero se o partido contra o CONXO é complicado en si polo potencial do rival, máis aínda ao correr risco de descenso os de Santiago no caso de perder contra a EFL.

Pola súa banda os INFANTÍS que dirixe WILLI teñen esa primeira pedra de toque no partido de ida ante o COMPAÑÍA DE MARÍA da Coruña. Será nesta cidade ás 12 do sábado no campo Leyma, de herba artificial. Este equipo quedou 4º clasificado na 1ª infantil Autonómica, grupo 1. Disputou 26 partidos. Gañou 19, empatou 1 e perdeu 6. Meteu 142 goles e recibiu 59, totalizando 58 puntos. Aínda que partamos como favoritos, nunca hai que dar nada por feito, e menos no deporte.

Se algo convén facermos nestes intres é QUE OS XOGADORES SINTAN O APOIO DEPORTIVO DA AFECCIÓN DESDE A GRADA.

o Agasallo

2009-05-20T11:01:00.003+02:00

Nesta semana o Corpo Técnico da EFL víase sorprendido co agasallo dunha fermosa figura de cristal artesán galego por parte da familia dun alumno/xogador da Escola a cada un dos 11 adestradores, ademais da personalización co nome e o lema seguinte: "en agradecimiento a su colaboración con la Escuela de Fútbol Lalín".

Se é de ben nacidos dar as grazas (feito que facemos aquí, non só desde o grupo de adestradores, senón tamén desde a Directiva da EFL), queremos aproveitar a ocasión para indicar que non debería facerse común esta práctica. Dicimos isto non só porque os adestradores xa cobremos un salario, tampouco porque noutros casos poida facerse discriminatorio (uns si e outros non, segundo che vaia ben ou mal), senón porque a verdadeira satisfacción debe proporcionárnola o traballo ben feito, representado na FORMACIÓN DEPORTIVA E PERSOAL DE RAPACES, PAIS/NAIS E DE TODOS OS QUE FORMAMOS A ENORME FAMILIA da Escola de Fútbol Lalín.

Así a todo, grazas de novo e a seguir traballando.

sábado de DEPOR

2009-05-16T15:02:00.006+02:00

Mañá competida na que os alevíns xogaron dous partidos, contra Chantada e contra o Depor. Logo tocaríalle aos infantís.

CHAMPIONS ALEVÍN:

EF Lalín-Deportivo: 1-4

Os nosos bravos alevíns caeron con honor e facendo bo fútbol ante un equipo superior e que pinta campión.

AMIGÁBEL INFANTIL:

EF Lalín-Deportivo B:4-1

Boa preparación para unha fase na que non podemos confiarnos.

Sorteo fase de ascenso Infantil

2009-05-12T21:11:00.008+02:00

O sorteo da FASE DE ASCENSO A LIGA GALEGA INFANTIL, como estamos afeitos, non deparou excesiva sorte, pero tampouco imos queixarnos, pois a volta é sempre en Lalín.

1ª eliminatoria:
Compañía de María- EF Lalín
Ida: 23 ou 24 de maio na Coruña
Volta: 30 ou 31 en Lalín
2ª eliminatoria (o que pase contra):
o vencedor de SD O Val-Calasanz
Ida: na casa deles o 6 ou 7 de xuño
Volta: na casa do vencedor da nosa eliminatoria o 13-14.
Estes son os pasos para o ascenso.
Hai que roelos, rapaces!
INFORMACIÓN:
Compañía de María: 4º clasificado do grupo 1 de 1ª autonómica da Coruña
Calasanz (de Coruña): 2º clasificado do mesmo grupo.
SD O Val: 1º clasificado do grupo 4º de 2ª autonómica de Ferrol.

NON PUIDO SER

2009-05-10T20:30:00.005+02:00

O sábado pola mañá competimos cun dos mellores equipos alevíns de Galicia (posiblemente o mellor) e o resultado non nos foi favorable: 6-0 foi o marcador final que deixa a eliminatoria practicamente resolta. Empezamos ben, tendo dúas ocasións cada equipo, pero a diferencia de pegada fixo que no minuto 5 xa perderamos por 2 a 0. En 15 minutos o partido xa estaba resolto 4-0. A partir de ahí asentámonos e fomos capaces de competir ao seu nivel. Na segunda parte perdemos só 1-0 e cun gol de fortuna despois dun rechace.
Agora, o sábado que ven ás 11 teremos a oportunidade de volver a xogar co Deportivo e comprobar de novo o noso nivel de xogo.
Non faltedes e disfrutaredes dun gran partido.

PRÓXIMOS TORNEOS PARA BENXAMÍNS

2009-05-10T17:52:00.002+02:00

SÁBADO 16 MAIO: "I MEMORIAL MILUCHO/ALFONSO DE FÚTBOL BENXAMÍN" ORGANIZADO POLO SP ESTRADA

XUÑO: COPA DO FUTURO - PREBENXAMÍNS (Data e lugar por confirmar)

SÁBADO 13 XUÑO: TORNEO DO POLVORÍN (LUGO)

E AGORA,.... O DEPOR

2009-05-07T20:21:00.004+02:00

Despois de pasar cun resultado bastante amplo (13-2 en total) a eliminatoria frente ao Nicraniense, chegamos aos dezaseisavos de final e chocamos de bruces co todopoderoso Depor, que nesta idade si que é merecedor do calificativo de Superdepor. Cuns números espectaculares (24 partidos xogados, 22 gañados, 1 empatado e 1 perdido, 166 goles a favor e 13 en contra) nunha liga competidísima e despois de pasar contra o potente Montañeros sen encaixar un só gol (9-0 no total da eliminatoria) parece un rival inalcanzable. Pero nada máis lonxe da realidade. Non nos dan medo, senón que nos motiva este novo reto que a tempada nos ofrece. Ofreceremos todo o noso potencial, desplegaremos o noso fútbol ofensivo para tentar ter a posesión do balón e coa nosa filosofía de "portería a cero" loitaremos para pasar esta eliminatoria.

A loita comeza este sábado ás 11 en Abegondo (Mundo do Fútbol) e esperemos traer un bo resultado para rematar a faena a próxima semana en Lalín diante do noso público.

Atentos todos que imos dar a campanada.

DEBUT DOS PREBENXAMÍNS NO V TORNEO GALAICO PORTUGUÉS DE FÚTBOL 7

2009-05-06T16:56:00.003+02:00

O 1 de maio os máis pequenos da EF Lalín fixeron o seu debut competitivo no campeonato organizado pola UD. Santa Mariña de Vigo.

Participaron 15 equipos encadrados en grupos de 5. Á EF Lalín tocoulle enfrentarse aos equipos máis duros do campeonato na fase de grupos, pois 3 dos seus rivais foron os equipos que ocuparon as 3 primeiras posicións ao finalizar o torneo.

Os resultados foron:

Fase de Grupos:

EF Lalín 0 - Cruceiro Hío 7 (campeón do torneo)

EF Lalín 0 - O Baladas 6 (subcampeón)

EF Lalín 4 - Vigo 2015 0

EF Lalín 0 - Santa Mariña "A" 7 (3º clasificado)

Finalizando 4º nesta fase pasouse a xogar pola final de consolación xunto sete equipos máis.

Nos 1/4 de final:

EF Lalín 4 - Santa Mariña "B" 1

Na 1/2 final:

EF Lalín 2 - Bahía Aldán 3

Queremos darlle a noraboa a tódolos xogadores e pais polo comportamento exemplar e o esforzo que fixeron, así como aos organizadores polo ben que atenderon a tódolos equipos.

ALEVÍNS E BENXAMÍNS NO TORNEO DO DEPORTIVO

2009-05-06T16:38:00.002+02:00

O pasado 1 de maio alevíns e benxamíns da EF. Lalín participaron, xunto con 160 equipos máis, no torneo do RCD A Coruña que se celebrou nas instalacións deportivas que o organizador ten en Abegondo.

Os benxamíns tiveron como rivais na fase de grupos ao Arzúa B e a EF Varela Silvari de A Coruña. Os resultados foron:
EF Lalín 3 - EF Varela Silvari 0
EF Lalín 5 - Arzúa "B" 1

En 1/16 de final o rival foi o Conxo:
EF Lalín 0 - Conxo 0 (Clasificado a EF Lalín por penaltis)

En 1/8 de final o rival foi o Orillamar "A":
EF Lalín 0 - Orillamar "A" 3

Cabe sinalar que o Orillamar "A" foi o campeón final do torneo en categoría benxamín.

Os alevíns enfrentaronse na fase de grupos ao Galicia Gaiteira de A Coruña e ao Bastavales. Os resultados foron:

EF Lalín 2 - Galicia Gaiteira 0
EF Lalín 2 - Bastavales 0

Nos 1/16 de final enfrentáronse ao Lugo:
EF Lalín 0 - Lugo 1

O campeón final do torneo en categoría Alevín foi o RCD A Coruña.

CAEU O NICRANIENSE

2009-04-25T14:03:00.003+02:00

Empezamos a Champion Alevín con bo pé. 1-5 fóra pode ser un bo resultado, pero curto vendo a grande cantidade de ocasións desperdiciadas. Comenzamos, coma sempre, algo fríos, pero no ecuador da primeira parte xa fomos capaces de impoñer o noso altísimo ritmo. 1-0 de Dani Gómez a centro de Fer, 2-0 de Fernando cun tiro desde fóra e 3-0 ao descanso despois dunha xogada persoal de Manu. Na segunda parte partido máis aberto do que nos queriamos, pero onde non fomos capaces de resolver con gol moitas ocasións, provocado ás veces polas reducidas dimensións do seu campo. 4-0 Martín e 5-1 Cristian cando xa chegabábamos ao final. Bo resultado para a volta, pero non pensemos que é definitivo. O que si é motivo de orgullo é o noso traballo defensivo, intensísimo e con grande capacidade de anticipación.

NORABOA RAPACES por ser capaces de xogar tan ben a unha velocidade tan alta.

CHEGA A CHAMPIONS ALEVÍN

2009-04-21T20:05:00.003+02:00

Xa temos rival, para a primeira ronda da champions alevín: o Nicraniense B campeón do grupo 6 da delegación de Santiago, con 15 partidos gañados, 2 empatados e 1 perdido en 18 partidos. Coma o Barça, non lle temos medo, pero si moito respeto a un equipo B que gañou a liga por diante do Dubra ou do Xuventú de Oroso, vellos coñecidos nosos. A clave será impoñer o noso fútbol combinativo. A eliminatoria será dobre partido, comenzando en Cepelo este sábado ás 10.30 e rematando no M.A. Cortizo a semana que ven. Se se pasa esta eliminatoria chegará o coco do grupo: O depor.

ÁNIMO RAPACES, que xogando coma contra o sporting de Xixón, podémoslle gañar a calquera.

A maior débeda: Infantil B

2009-04-20T18:37:00.004+02:00

Se hai unhas semanas eran os xuvenís os que, cos seus comentarios, nos presionaban porque case nunca aparecían neste blog e tivemos que pagar unha merecida débeda con eles, hoxe é o momento do equipo Infantil B. Trátase do único grupo da EFL que aínda non apareceu en formación neste blog. Pero eles non dixeron nada. Ninguén fixo comentario ningún a seu favor ou por eles. Son parte importante da nosa familia porque asisten aos adestramentos en masa, compiten os sábados, están ao cargo de Toño. Ademais, despois de certos bailes entre A e B, son máis en número pero teñen 25 fichas, o que provoca que cada fin de semana queden fóra 9 xogadores (a non ser que vaian convocados co equipo A). Figuran na metade da táboa clasificatoria, pero buscan ir mellorando pouco a pouco. Están aí e ímolos nomear un por un. Eles son: Faílde, Currás, Alex, Álvaro, Areán, Cristian, Diéguez, Edu, Ionatan, Brei, Jorge Vilas, Luís Manuel, Isidro, Manu, Marcos, Martín, Rodrigo, Santi, Serginho, Suso, Vítor, Xabi I, Xesús, Xabi II, Kevin e Michi.

Vitoria ante o Depor e debú de Juanillo

2009-04-19T15:54:00.005+02:00

Habia interese en saber se, debido ás importantes baixas, o equipo de Montoto sería capaz de facerse cos tres puntos que manteñen en todo o alto as aspiracións para o ascenso á División de Honra Cadete. E foino, porque os resultados colocan á EFL nunha posición inmellorábel, pero fixo sufrir aos seareiros ata o derradeiro minuto do encontro. 4-3 foi o resultado final nun partido no que os coruñeses, mercé á súa enorme calidade, puxeron máis fútbol combinativo, pero os da Escola contrarrestárono con traballo, cun esforzo levado ata o límite físico e coa mentalidade dos que sempre saben competir non dando un balón por perdido e disputándoo en cada metro do campo. Este derroche tivo a súa recompensa case no límite do tempo cun gol en propia meta (anotado polo árbitro a Iker) que deixou sen capacidade de resposta a un Depor B que realmente non se xogaba nada.A outra noticia foi a presenza de dous infantís no equipo titular, Adrián e Juanillo. O primeiro xa é un habitual na convocatoria cadete, pero no caso do bravo xogador de Lamela representa a súa primeira aparición nunha liga superior. Juanillo, a pesar da diferenza de envergadura cos contrarios, superou con nota esta dura proba, pois o míster contou con el todo o partido, a 1ª parte no medio campo e a 2ª de lateral dereito.
NORABOA a todos polo triunfo e a Juanillo por debutar.

Imaxes da tempada

2009-04-16T20:13:00.013+02:00

Xa que cremos nos nosos rapaces, como a eles lles prace saír aquí, e posto que unha imaxe vale máis que mil palabras, aí van algunhas instantáneas desta tempada.
Un contra un de Dani (infantil).Este rapaz é o demo! (Manu, alevín)
Concentrados no quentamento xuvenil.
Mísil terra aire de Martín! (alevín)
Hai que pillala! (benxamíns)
Manuel, acosado (xuvenil).
Á ducha cos deberes feitos (infantís).
O que se coce na área con Íker (cadetes).
Dani, Martín e Fernando: pero de quen é a pelota? (alevíns)E finalmente, waterpolo infantil!

O CANDIDATO

2009-04-16T19:21:00.007+02:00

Xa que parece que non abonda con saber o seu nome e apelidos e dado que moitas persoas teñen a lóxica curiosidade por coñecer a identidade do candidato á Presidencia da Escola de Fútbol Lalín, aquí van dúas fotos (de escasa calidade, iso si, pero reveladoras) do partido de Pais/Nais celebrado este Nadal.Nesta atopamos a Xabier Ferreiro Vila (outro Xabier na EFL!), a persoa a quen, na Asemblea Extraordinaria do xoves 30 de Abril, os socios e socias (ou sexa, os pais e nais dos xogadores/as) poderán refrendar para os próximos catro anos e que substituirá, despois de 6 tempadas, a César Reboredo.

Nesta outra foto (é a mesma) aparecen descubertos algúns pais que forman parte desa candidatura. A quen lle goste xogar ás adiviñas pode intentar situar os posibles cargos que se presentarán ese día co Candidato. Pero ollo, que ninguén se confunda, nin son Consellarías da Xunta nin estas persoas teñen soldo, hai soamente un traballo que facer. Nese traballo é onde todos temos que implicarnos e botarlles unha mao. De inicio será bo que saiban que terán o apoio de toda a gran familia da Escola.

2009-04-14T11:33:00.002+02:00

NOTA INFORMATIVA.

Pechado no día de onte, 13 de abril, o prazo para a presentación de candidaturas á Presidencia da E.F.Lalín, informamos que se presentou unha única candidatura, encabezada polo socio D. FRANCISCO JAVIER FERREIRO VILA.

Ao non haber ningunha outra candidatura, será na próxima ASEMBLEA EXTRAORDINARIA DE SOCIOS, a celebrar o xoves 30 de abril ás 21,30 h. no Salón de actos do IES Laxeiro, onde os socios e socias deberán refrendar esa candidatura e o futuro Presidente presentar a súa Xunta Directiva.

A partir dese momento, a Directiva saínte e a entrante traballarán conxuntamente ata a asemblea de peche da presente temporada (finais do mes de xuño) co fin de poñer ao corrente e facilitarlle o traballo o máis posible á Directiva entrante e colaborar con ela na planificación da vindeira temporada. Será nesa asemblea de xuño cando a nova directiva colla as rendas da EFL.

BOA ACTUACIÓN DOS BENXAMÍNS NO III TROFEO CIDADE DAS BURGAS

2009-04-12T11:24:00.006+02:00

Xoves Santo de fútbol para xogadores e pais na cidade de Ourense. As 10 da mañá daba comezo o primeiro torneo desta temporada. Agardabanos un grupo difícil: Ponte Ourense e Val Miñor (campeón do torneo). Dous empates (1-1 e 0-0) e pasabamos a cuartos de final como segundos de grupo. Xa pola tarde partido moi disputado co Victoria de A Coruña (subcampeón do torneo), derrota 1-0 e a xogar polo 5º ao 8º posto. Novo empate co Viveiro 2-2 e derrota por penaltis. Na final polo 7º-8º empate 0-0 cos anfitrións o Pabellón de Ourense e victoria por penaltis. 7º posto, trofeo ao equipo máis deportivo e so unha derrota por 1-0 en 5 partidos. Todo un éxito dos nosos xogadores:

Finalizamos o torneo con 4 empates, 1 derrota, 3 goles a favor (Jose Luis 2, Santi Rojas 1) e 4 en contra.
Máis información http://www.pabelloncf.com

ENORMES ALEVÍNS

2009-04-11T23:36:00.009+02:00

Enormes, fantásticos, excepcionais. Non hai outros calificativos que poidan definir o comportamento deportivo e humano dos nosos xogadores nos torneos de Vilagarcía, Alondras e Ourense (benxamíns). Vou tentar facer un breve resumo. No torneo da Arousa Cup, levabamos dous equipos, con dous obxectivos ben diferenciados: un forte equipo A que aspiraba a colarse entre os mellores e un equipo B que ía para disfrutar do fútbol e do ambiente de festa que se pode vivir nestes eventos. O B fixo unha meritoria actuación loitando como leóns en tódolos partidos, ainda que os rivais eran moi fortes. Ainda por riba tiveron as peores condicións metereolóxicas do torneo.

O EFL A estivo enorme nestes tres días. O xoves vencemos ao Ourense (0-3) e a o Xuventude de Oroso (2-0). O venres victoria sobre o Ribadumia (2-0) e contra o Vilagarcía (0-5). Mala sorte nos cuartos de final, xa que sendo superiores non puidemos gañar (0-0), quedando eliminados do torneo nos fatídicos penaltis e sen encaixar un só gol.

E chegou o sábado. A viaxe pásanos factura e Dani Gómez non pode asistir, por enfermedade. Unha baixa moi sensible despois do visto en Vilagarcía. Entra Leo no seu lugar e así somos doce xogadores e dous amigos (Guillermo e Santorum) os que afrontamos o torneo do Morrazo. O grupo dificilísimo. Primeiro sucumbiu o Racing de Ferrol (4-0) e para rematar a mañá victoria sobre o Bahía (2-0). No primeiro partido da tarde acabouse a imbatibilidade do noso equipo. Victoria por 4-1 fronte ao Val Miñor e clasificados de primeiros de grupo, evitando así ao Celta. Nos cuartos de final victoria agónica fronte a un "mal educado" A Seca (1-0 de falta faltando 2 minutos) e a semis a pelexar co coco da competición: o Sporting de Xixón. Con só 10 minutos de descanso afrontamos unha semifinal na que partiamos de víctimas, pero que afrontamos con valentía e na que decidimos quitarlle o balón ao Xixón e telo nós. Non puido ser e o seu empuxe pechábanos na nosa área. Ainda así mantivemos a fé e sistema de dous puntas. Un golazo de Martín pola escadra nos poñía por diante, pero en menos de un minuto xa acadaron o empate. Xa na segunda parte e xusto despois de lesionarse Xabi Rei nun rechace fixeron o 2-1. Pensabamos que era o final, pero nun arranque de coraxe, Martín recorreu todo o campo pegado a banda dereita, xogou con Brais que recortou e orientou o balón perfectamente para finalizar, pero pasoulle a Alberto que estaba en mellor posición, para que este recortara e disparara a porta con rosca un balón que se colou pola escadra. Empate a 2 a falta de 45 segundos e outra vez aos penaltis. Outra vez eliminados sen perder ningún partido.

Como resumo final. Impresionante actuación con 10 partidos xogados, 8 gañados e 2 empatados ante grandes rivais. So 3 goles encaixados en 10 partidos alevíns. Increíble. Tres trofeos en Alondras: 3º clasificado (por diante do Celta, Racing, Ponte Ourense,...), Mellor Porteiro (Xosé Ramón) e un que nós sempre valoramos moito: o da Deportividade. Resulta significativo que nesta fin de semana gañáramos o trofeo da Deportividade nos dous torneos no que se podía gañar: os benxamíns en Ourense e os alevíns en Cangas.

Noraboa a todos no deportivo e no personal. A seguir así rapaces.

COMENZAN OS TORNEOS

2009-04-09T10:57:00.006+02:00

Estabamos agardando todos este momento. Por fin hoxe xoves comenza a tempada de torneos para os cativos da Escola. Os alevíns desprazaranse ata Vilagarcía para disputar a prestixiosa Arousa Cup e os benxamíns achegaranse a Ourense para competir no torneo das Burgas.

Serán 2 equipos os que se desprazarán ata Vilagarcía para tentar acadar unha das dúas prazas que dan acceso á fase final e así poder enfrontarse a grandes equipos como o Barsa, Madrid, Atlético, Valencia ou Sevilla, sen esquecer ao Celta e o Depor, e a os internacionais Tottenham, Benfica, Paris Saint Germain ou Inter de Milán. Misión nada fácil vendo aos rivais, pero non dudedes que o imos tentar. O equipo B estará encadrado no grupo D (o grupo da morte) xunto a Cruces, Pabellón, Villestro e Atlético Cuntis. Grupo dificilísimo con dous dos clasificados o ano pasado, Pabellón (clasificado 3 anos seguidos) e Villestro e un de sobra coñecido Cruces. O debú será contra o Cuntis ás 16.00.

O equipo A terá un camiño un pouco máis despexado. Enfronte no grupo E terá ao Ourense coma equipo máis forte e logo os enfrontamentos perante o Ribadumia, Vilagarcía B e o Xuventú de Oroso. O debú deste equipo será as 16.30 hoxe fronte ao Ourense.

Se non ides a viaxar para animar podedes seguir a evolución do torneo na páxina web http://www.arousafutbol7.com/, na sección de partidos.

7-0 e LIGA no PETO

2009-04-07T21:32:00.008+02:00

Sabíase da nosa superioridade e había quinielas sobre o resultado (todas favorables), pero na realidade o agardado e retrasado partido do Infantil A contra o Estrada foi un paseo militar do equipo que dirixe Willy. O 7-0 final, e porque a 2ª parte o carrusel de cambios ralentizou a goleada, fala ben ao claro do poder do infantil A: intenso, dominador e moi efectivo. Tanto que o equipo visitante desde o minuto inicial soubo quen non levaría a vitoria, pois en tres ataques os do Deza xa se puxeron 2-0 con goles de Dani e Marco.

Levábanse xogados 15 minutos e só faltaba o máximo goleador da Escola de Fútbol para sumarse á festa. E como o fixo! A pesar da marcaxe tan estreita á que foi sometido polos dous centrais estradense, Adrián, "o matador", espetoulles 4 goles plenos de forza e calidade, que engadidos ao golazo de Edu na primeira parte redondearon o marcador.Despois deste contundente resultado, xa co 2º clasificado a 11 puntos e o goal average particular a favor, o Infantil A gaña a LIGA, quere acabar invicto e prepara a fase de ascenso na que, aínda sendo favoritos, non convirá confiarse.
Pola EFL, aliñación de gala: Kevin na portería; Iago II, Serxio, Guille e César en defensa; Edu ,Juanillo, Marco e Brais no medio campo; Adrián e Dani en ataque. Tamén saíron: Currás, Serginho, Jorge Vilas Suso e Vítor.

CAMPEOOOONS, CAMPEOOOONS, OEOEOE.

2009-04-06T12:00:00.009+02:00

Mañá magnífica de domingo para a Escola. Empezaba cun trunfo para o Alevín C perante o Bandeira, nun encontro moi disputado, pero onde os nosos souberon sobrepoñerse as baixas de Manu e Iván para gañar por 5 a 2. O encontro que estaba programado para as 10.30 empezou unha hora máis tarde por erro da Federación o que provocou retraso no partido do Alevín A e restou algo de afluencia de público ao coincidir coa saída de Fernando Alonso.
Ás 12.00 en punto comenzou o partido do B contra o Silleda B. Un encontro sen historia onde os nosos foron os dominadores do xogo e o resultado (9-1). Destacar o golazo de falta de Dani Seijas. E ás 12.30 chegou o momento máis esperado da mañá. O partido que decidía unha liga. Enfronte do noso Alevín A estaba o Silleda, un equipo con bos xogadores e unha gran fortaleza física. As gradas ateigadas de xente para ver o espectáculo que o noso alevín nos ía dar. Os xogadores dos outros equipos atentísimos ao partido (ainda que o B ainda estaba xogando o seu), esperando esa victoria que nos dera o título de liga, o acceso á Champions e, sobre todo, á celebración, á festa.

Comenzamos dominando o xogo, coma todo o ano, con moitas e claras ocasións que non puidemos materializar. 5 claras nos primeiros 4 minutos, pero foi o Silleda o que inaugurou o marcador. 0-1 nunha contra que poñia a todos nerviosos. Menos a Willy, que bo coñecedor do seu equipo non se cansaba de repetir que xogando ben o gol sempre chega. E así foi. Gran pase de Brais a Manu que volea de primeira, un nada fácil balón, para conseguir o empate. Roubo de balón de Martín no medio campo, un paso, e PUM, para dentro. Golazo por toda a escadra que limpa as telarañas antes de entrar. 2-1 e todo no seu sitio. Ao descanso 3-1, que aínda deixaba un partido aberto para a segunda parte. Chegan os cambios. Iago na portería e Alex e Andrea na dianteira e o equipo para nada baixa o seu nivel. Seguimos mantendo a posesión do balón, que é a mellor forma de atacar e, sobre todo, de defender. Van caendo os goles, para rematar cun quizais curto 7-1 que desataba a alegría de toda a familia da Escola. Todos esperando como se dunha saída de atletismo estiveramos a falar. Preparados, listos, PI,PI, PI. Os rapaces dos tres equipos no centro do campo celebrando un sufrido título, que non se decidiu ata a derradeira xornada, gracias a un gran Cruces que nos tivo contra as cordas. Despois todo un clásico da categoría alevín: fonte, baño dos adestradores e comida. E todo esto nun gran ambiente, onde o público animou constantemente e ata Franchi foi a misa para rezar pola nosa victoria.
NORABOA ALEVÍNS!!!!

2009-04-05T14:32:00.002+02:00

Lembrámoslles a todos os/as socios/as o Calendario electoral.
Convocadas eleccións á presidencia da E.F.L., por acordo da Asemblea Xeral Extraordinaria do día 13 de marzo de 2009, estableceuse o seguinte calendario electoral:
Prazo de Presentación de Candidaturas: do 13 de marzo ao 13 de abril de 18,00 a 22,00 h.
Proclamación de candidatos: día 14 de abril.
Votación se houber máis dunha candidatura: venres, 17 de abril de 20,00 a 22,00 h.

Espectaculares xuvenís!!!!!

2009-04-04T23:05:00.010+02:00

Se ben era moi certo que tiñamos un tanto esquecida a categoría xuvenil neste blog, non por iso deixamos de estar con eles e apoialos, nos bos e nos malos momentos. O que pasaba era que cadraba mal para facer fotos e cadraba mal para ilos ver. Pero tiñamos contraída unha débeda con este equipo, como ben nos recordaban os atinados comentarios. E hoxe queremos pagala.

E sería nun importante partido onde puidemos comprobar o que xa se presentía: a espectacular 2ª volta que están a facer, refrendado cunha non menos espectacular 2ª parte ante todo un 2º clasificado, o poderoso Cacheiras.
Como nada importante resulta doado no deporte, o partido púxose custa arriba xa aos 10 minutos (0-1). Pero reaccionou deseguido a escuadra de César cun magnífico remate de cabeza Manuel (na foto). Era o 1-1 que fixo xustiza á igualdade que se vía no campo. A segunda xa foi outro cantar, por preparación, por intensidade, por saber estar os dezaos impuxeron sempre o seu fútbol. O Cacheiras case non inquedou a meta de Dani e as ocasións da EFL sucedíanse. Pero o balón non quería entrar. Ata que por fin, no minuto 70, Alvarellos puxo o balón na área para que un oportuno Diogo atinase a introducilo na portería e desequilibrar a contenda. Era o 2-1 e empezaron os cambios dos xogadores lesionados (Marcos, Diogo e Óscar) por outros de refresco (Marcos Rodríguez, Miguel, Brei e Cristian) que fortaleceron aínda máis ao equipo. E sería un Brei incordiante e todoterreo quen no minuto 85 mandase o balón á mesma escuadra para poñer a tranquilidade nos seareiros. Era o 3-1 final, que realmente puido ser máis amplo se non fose polos postes e polas boas intervencións do meta visitante.

En resumo: tres puntos que nos disparan cara arriba na clasificación, polo que seguimos pelexando por estar na fase. E o que resulta máis esperanzador aínda, vese poder e bo ambiente nun equipo no que todos estiveron a gran nivel, desde un seguro Dani a un perigoso Diogo, pasando polos efectivos centrais Pacheco e Xoel, o poderío do cadete Xosé Ramón, a agresividade de Óscar, a creatividade de Roi, a calidade de Alvarellos e a forza de Manuel, sen esquecer as aportacións fundamentais de nomes coma Marcos, Xosé Manuel, Brei, Miguel, Marcos Rodríguez, Cristian e toda unha plantilla ben dirixida por César e preparada para o que vai vir, que será difícil, pero non imposíbel. Noraboa, pois.

FESTA DO FÚTBOL

2009-04-04T15:18:00.006+02:00

Hoxe sábado puidemos disfrutar da primeira festa do fútbol desta fin de semana cos partidos de categoría benxamín. Enfrontábanse ás 11.30 no M.A. Cortizo o EFL A co líder imbatido o SP Estrada A no campo 1. O resultado foi de 0-3, pero non refrexa o visto no campo. Un partido moi igualado onde o Estrada ofreceu unha gran orde e saber estar (aderezado con grandes xogadores), pero onde o control do balón foi noso. Con un pouco de sorte de cara ao gol o resultado ben seguro que sería outro.

E no outro campo celebrouse un gran derbi, entre os equipos B e C da Escola. Partido competidísimo que se rompeu nos derradeiros 10 minutos (3-2 para o C faltando 9 minutos). 3-7 a favor do B ao final, que é excesivo vendo os méritos de ambos equipos. O resultado máis xusto podería ser un empate, pero o fútbol é así. Ata en muletas estaban espatados.

Noraboa aos 3 equipos que estiveron fantásticos e noraboa tamén ao público que soubo disfrutar do espectáculo e aceptar o resultado coma un elemento máis da formación deportiva e personal dos rapaces, sen dramatizalo.

UN APLAUSO PARA TODOS E TODAS!!!!

APAIXOANTE FIN DE SEMANA

2009-04-01T22:17:00.008+02:00

Para todos aqueles amantes do bo fútbol, temos esta fin de semana tres citas que non nos debemos perder. Por un lado, o sábado pola mañá, ás 11.30, se citarán no campo de fútbol os xogadores de categoría benxamín. Non todos, que é imposible, pero moitos, arredor de 50 rapaces nos farán disfrutar co seu fútbol. Podemos ver o derbi entre os equipos B e C da Escola e ao EFL A loitando por infrinxirlle ao SP Estrada A a súa primeira derrota. Dous auténticos partidazos que ninguén se debería perder.

O sábado pola tarde noite, serán os xuvenís da escola os que loiten contra o Cacheiras para tentar alcanzar ese quinto posto que da acceso a fase de ascenso. O frío non pode ser excusa para non animar a estes rapaces que no seu derradeiro encontro gañaron por 1 a 9. A cita ás 20.00.
E finalmente, o domingo pola mañá remata a liga alevín no M. Anxo Cortizo. Os tres equipos da Escola loitarán por conseguir unha victoria. Así a EFL C xogará ás 10.30 contra o Bandeira, na que será a súa despedida da liga e a EFL B e A xogarán ás 12.00 con dous obxectivos ben distintos. O equipo B buscará unha victoria ante o Silleda B que lle permita manter o terceiro posto coa mirada no transcendental partido do martes fronte o SP Estrada A (17.30) e a EFL A que tentará conseguir a victoria que lle garantice o título de liga e o acceso a esperada Champions Alevín. O rival será un difícil Silleda A
Así que estades todos convidados a ver e animar aos nosos xogadores neste fin de semana tan importante.

FOTOS DOS EQUIPOS 08-09

2009-03-25T10:51:00.016+02:00

Para termos unha referencia visual dos nosos xogadores e adestradores, nesta entrada iremos colocando as fotos dos diferentes equipos da Escola de Fútbol Lalín na tempada 2008-2009. Os nomes de todos irémolos poñendo pouco a pouco (se hai algún erro facédenolo saber, para corrixilo). Algunhas teñen meses (por exemplo na infantil A aínda non figura Willi), outras semanas, e algunhas escasos días. Non vos preocupedes, completarémolas canto antes e intentaremos que esteades a maioría de vós (loxicamente algún podía non estar convocado ou calquera outra circunstancia cando se tirou a foto).

XUVENIL. De pé: Cristian, Xoel, Brei, Albarellos, Manuel, Marcos, Diogo, Dani e César (adestrador). Anicados: Marcos Rodríguez, Xosé Manuel, Miguel, Óscar, Roi, Xosé Ramón e Pacheco.
CADETE. De pé: Diego, Xosé Ramón, Xabi, Recimil, Iker, Dani, Mario, Alex e Montoto (adestrador). Anicados: Novoa, Currás, Pablo, Bryan, David, Pato, Pájaro e Xoan.

INFANTIL A. De pé: X. Quiroga (adestrador),Brais, Iago I, Serxio, César , Jorge, Diéguez, Kevin e Michi. Anicados: Iago II, Dani, Marco, Adrián; Juanillo, Edu, Guille e Santi.
ALEVÍN A. De pé: Alberto, David, Xabi Rei, Willi (adestrador) e Andrea. Anicados: Martín, Iago, Alex, Dani Gómez e Dani Jacobo.ALEVÍN B. De pé: Alex, Leo, Guille, Rivas, Cristian, Brais, Sueiro (adestrador). Anicados: Santorum, Dani, Nico e Erik

ALEVÍN C. De pé: Toño (adestrador), Ionatan, Dani Fernández, Marcos, Cristian, Gonzalo e Dani Cagide. Anicados: Manu, Serxio, Rubi, Antonio, Martín e Iván

BENXAMÍN C. De pé: Manu (adestrador), Marcos, Edgar, Albert, Adrián, Gabriel, Dani Ramos, Íker e Gustavo. Anicados: Cristian, Cristian Machado, Franchi, Gavieiro, Óscar, Brais, Rubén e Luís.
BENXAMÍN B: De pé: Blankiño, Martín, Dani Seijas, X. Manuel, Santi, Anxo e Richi (adestrador). Anicados: David, Xacobo, Facundo, Xosé Luis e Alex.
BENXAMÍN A. De pé: Nando (adestrador), Pepe, Íván, Manuel, Rubi, Lorenzo, Alex, Borja, e Fernando. Anicados: Xosé, Santi, Marco, Nachete, Álvaro, Fran, Dani e Yerai.

Alevíns: a liga no peto

2009-03-15T16:32:00.005+02:00

Partido magnífico o vivido este domingo no Camballón. Os dous equipos máis poderosos da liga, SD Cruces e EF Lalín A, empatados a puntos, coas espadas en todo o alto, dirimían a supremacía alevín. E non defraudaron. Aínda que o resultado final de 2-4 amosa certa superioridade lalinense, o encontro tivo moitas dificultades. Porque o Cruces non foi un rival calquera. Fortes, correosos, competitivos, individualmente os xogadores cruceños sempre estiveron á altura. Aínda que por detrás no marcador, o Cruces logrou empatar a dous e sementar de dúbidas ao equipo que dirixía Willi. Pero o labor de conxunto e a profundidade do banco foi definitiva. A espectacular segunda parte de Manu, complementado co poderío no disparo de Martín e o benfacer de Brais e Xabi a Pulga, xunto a un segurísimo Xosé Ramón, a solidez defensiva de Xabi Rei, dos Danis (Gómez e Jacobo) e o saber estar de David deron este triunfo á Escola e, case, a Liga.

NORABOA, e a seguir traballando.

CONVOCATORIA COA SELECCIÓN

2009-03-13T11:20:00.003+02:00

De novo na Escola estamos de noraboa. Martín Dabobe, máis coñecido coma "uruguaxo", ven de ser convocado para participar nun adestramento coa selección galega alevín. Segue os pasos marcados por Dani Riádigos e por Adrián que xa participaron nesta experiencia. Alí estará xunto aos mellores alevíns de Galicia para loitar por uns dos 12 postos que darán dereito a participar nos mellores torneos estatais. Esto non ven máis que a confirmar o excelente nivel dos nosos alevíns e que o esforzo e o adestramento continuo dan os seus froitos.

ÁNIMO e a seguir TRABALLANDO

NOVAS DA CATEGORÍA ALEVÍN

2009-03-11T00:04:00.005+02:00

Despois do apaixoante derbi xogado o domingo chega, de seguido, outro partido de máxima rivalidade: E.F.Lalín B - E.F. Lalín C. Atentos a data xa que será o mércores 11 de marzo ás 18.00 horas. Esperemos que sexa de tanta calidade e emoción coma o anterior.
E outro derbi máis o seguinte mércores día 18, tamén ás 18.00 horas, entre o Alevín A e o Alevín C da Escola

FIN DE SEMANA

2009-03-07T18:05:00.004+02:00

PARTIDOS do sábado 7 e domingo 8 de marzo .
XUVENIL: EF. LALÍN- DUBRA S.D. : 1-0 (Óscar) .
CADETE: RÁCING VILALBÉS -E.F LALIN : 0-1 ( Iker)
INFANTIL A: S.R. CALO - E.F. LALÍN: 0-10 (Adrián 4, Edu 2, Dani, Marco, Luis Manuel, Juanillo)
INFANTIL B: E.F. LALÍN- S.D. TOURO :7-1 (Serginho 3, Michi 2, Suso, Marcos)
ALEVÍN A: E.F LALÍN- E.F. LALÍN B: 1 - 2 (Martín//Erik e Brais)
ALEVÍN B: :()
ALEVÍN C: E.F. LALÍN- CALLOBRE C.F.:1 - 3 (Manu)
BENXAMÍN A: - E.F. LALÍN- C.F. SILLEDA B: 4-1 (Guille 2, Borja 2)
BENXAMÍN B: - S.D. TOURO- E.F. LALÍN: 0-8 (Blanquiño 2, Jose Luis 2, Santi Garrido 1, Angel 1, David 1, Martín 1)
BENXAMÍN C: E.F. LALÍN- E.D. VAL DO ULLA: 10-2 (Edgar 3, Franchi 2, Adrian 2, Oscar 1, Cristian 1, Dani 1)

Chega o grande derbi alevín

2009-03-06T15:02:00.005+02:00

Chega o enfrontamento no cumio alevín. Quen si e quen non pregunta: Serán capaces os de Sueiro de poder cos de Willi? Ou o que é o mesmo: Poderá poñer contra as cordas o equipo B a todo un equipo A invicto que se xogará a liga contra o Cruces na vindeira fin de semana?

Despois do visto na 1ª volta, naquel impresionante partido que todos lembramos, todo pode pasar. A resposta terémola este domingo no Manuel Anxo Cortizo. Os seareiros non poden faltar á cita.