Pasiño a pasiño a Escola de Fútbol Lalín vai cubrindo etapas. Agora tócalle incorporar a un adestrador de porteiros. Non era nova esta aspiración, pois levabamos varias tempadas intentando ter a un especialista dedicado en exclusiva aos cancerbeiros. A nova fichaxe non é outra que un coñecido dos seareiros lalinenses, Iván Parada, porteiro do CD Lalín.
Aínda que se trata da súa estrea como adestrador do fútbol base (tívoa hoxe mesmo, luns 4 de agosto, cos tres porteiros cadetes que aparecen canda el na fotografía: Diego, Cheroki e Alex), non dubidamos que cumprirá sobradamente o seu cometido. Desde este blog dámoslle a benvida e desexámoslle o mellor.
No hay comentarios:
Publicar un comentario