Esta fin de semana tanto cadetes como infantís da EFL xóganse moito a nivel deportivo. Aínda que os dous levan unha tempada sensacional, digamos que chegou a hora da verdade na súa pelexa polo ascenso ás máximas categorías galegas..JPG)
Os CADETES que dirixe MONTOTO enfrontan o seu penúltimo partido situados nunha posición de privilexio. Ocupan o 2º posto da clasificación (a última que dá dereito ao ascenso á División de Honra, pois a outra xa hai tempo que é propiedade do Lugo) e cando menos precisan facer o mesmo que o seu inicial rival, o Comercial. Pero tamén o Cidade de Santiago ou o mesmo Bergantiños terían algo que dicir se aqueles tropezan. Pero se o partido contra o CONXO é complicado en si polo potencial do rival, máis aínda ao correr risco de descenso os de Santiago no caso de perder contra a EFL.Pola súa banda os INFANTÍS que dirixe WILLI teñen esa primeira pedra de toque no partido de ida ante o COMPAÑÍA DE MARÍA da Coruña. Será nesta cidade ás 12 do sábado no campo Leyma, de herba artificial. Este equipo quedou 4º clasificado na 1ª infantil Autonómica, grupo 1. Disputou 26 partidos. Gañou 19, empatou 1 e perdeu 6. Meteu 142 goles e recibiu 59, totalizando 58 puntos. Aínda que partamos como favoritos, nunca hai que dar nada por feito, e menos no deporte.
Se algo convén facermos nestes intres é QUE OS XOGADORES SINTAN O APOIO DEPORTIVO DA AFECCIÓN DESDE A GRADA.
2 comentarios:
por què favorito el infantil contra el compañia de maria?jeje,no compareis el nivel de ambas ligas..
Vale, pois non somos favoritos, pero o jeje gárdao, que o que ri de último ri mellor.¡Ah, e xa vimos o nivelazo que ten a vosa liga!
Publicar un comentario